عمر شریف کو استاد ماننے والے انڈین کامیڈین راجو شری واستو چل بسے

اردو نیوز  |  Sep 22, 2022

انڈین کامیڈین راجو شری واستو بدھ کو داراحکومت نئی دہلی میں 58 سال کی عمر میں انتقال کرگئے۔

انڈین میڈیا کے مطابق راجو شری واستو کو ایک ماہ قبل جم میں ورزش کے دوران دل کا دورہ پڑا تھا اور آج صبح وہ تقریباً 10 بجے ہسپتال میں انتقال کرگئے۔

کانپور سے تعلق رکھنے والے کامیڈین انڈین حکمراں جماعت بھارتیہ جنتا پارٹی (بی جے پی) کے رکن بھی تھے۔

ان کی موت پر وزیراعظم نریندر مودی نے بھی افسوس کا اظہار کیا ہے۔ انہوں نے اپنی ایک ٹویٹ میں لکھا ’راجو شری واستو نے ہماری زندگیوں کو قہقہوں، مزاح اور مثبت سوچ سے روشن کیا۔‘

انڈین وزیراعظم کا مزید کہنا تھا کہ ’وہ ہمیں جلد چھوڑ گئے لیکن وہ اپنے کام کی وجہ سے بیشمار لوگوں کے دلوں میں ہمیشہ زندہ رہیں گے۔‘

Raju Srivastava brightened our lives with laughter, humour and positivity. He leaves us too soon but he will continue to live in the hearts of countless people thanks to his rich work over the years. His demise is saddening. Condolences to his family and admirers. Om Shanti. pic.twitter.com/U9UjGcfeBK

— Narendra Modi (@narendramodi) September 21, 2022

ان کے انتقال پر انڈین فلم انڈسٹری کے اداکار بھی دکھی نظر آئے اور ان کے خاندان سے تعزیت کرتے نظر آئے۔

Forever in our hearts. Rest in peace Raju Srivastava Sir. My condolences to the family

— Hrithik Roshan (@iHrithik) September 21, 2022

سنیل شیٹی نے ایک ٹویٹ میں راجو شری واستو کے لیے لکھا کہ ’وہ شخص ہمیں اس وقت تک ہنساتا تھا جب تک ہماری آنکھوں میں آنسو نہ آجائیں۔‘

The man who made us laugh till we had tears in our eyes - Raju Srivastava - Rest in Peace. A beautiful soul gone too soon. Condolences to the family. @iRajuSrivastava pic.twitter.com/RxhEIWWIL3

— Suniel Shetty (@SunielVShetty) September 21, 2022

شلپا شیٹی نے لکھا ’دہائیوں تک ہمیں ہنسانے کا شکریہ راجو جی۔ آپ بہت جلدی چلے گئے۔‘

ॐ शांतिMy heart goes out to his family and millions of his fans who loved him so dearly

Thank you for making us laugh for decades, Raju ji!You went too soon… #RajuSrivastava pic.twitter.com/9I3ukIGWvx

— SHILPA SHETTY KUNDRA (@TheShilpaShetty) September 21, 2022

راجو شری واستو نہ صرف انڈین کامیڈی شوز کی جان سمجھے جاتے تھے بلکہ انہوں نے ان گنت فلموں بشمول بومبے ٹو گوا، آمدنی اٹھنی خرچہ روپیہ، میری پڑوسن اور میں پریم کی دیوانی ہوں میں بھی کام کیا۔

راجو شری واستو پاکستانی اداکار عمر شریف کو اپنا استاد مانتے تھے اور پچھلے سال پاکستانی اداکار کے انتقال پر بہت دکھی بھی نظر آئے تھے۔

انہوں نے ایک ٹی وی چینل پر بات کرتے ہوئے کہا تھا کہ ’وہ ہمیں بہت کچھ سکھا کر گئے ہیں۔ ان کی باتیں کرکے، ان کی کاپی کرکے ہزاروں لوگ اپنا گھر چلاتے ہیں۔‘

راجو شریواستو نے یہ بھی کہا تھا کہ یہ ان کی خوش قسمتی ہے کہ انہوں نے عمر شریف کے ساتھ برطانیہ اور دبئی میں کام کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More