دوسرا ٹی20: پاکستانی اوپنرز کی جارحانہ بیٹنگ، انگلینڈ کے بولرز بے بس

اردو نیوز  |  Sep 22, 2022

سات ٹی20 میچز پر مشتمل سیریز کے دوسرے میچ میں پاکستان کی 200 رنز کے تعاقب میں انگلینڈ کے خلاف بیٹنگ جاری ہے۔

اب سے کچھ دیر پہلے تک پاکستان نے 17 اوورز میں بغیر کسی نقصان کے 176 رنز بنائے ہیں۔ وکٹ پر بابر اعظم اور محمد رضوان موجود ہیں۔

جمعرات کو نیشنل کرکٹ سٹیڈیم کراچی میں کھیلے جا رہے میچ میں انگلینڈ نے ٹاس جیت کر پہلے بیٹنگ کا فیصلہ کیا، اور 20 اوورز میں پانچ وکٹوں کے نقصان پر 199 رنز بنائے۔ معین علی 55 رنز کے ساتھ ناٹ آؤٹ رہے۔ ان کے علاوہ بین ڈکٹ نے 43 اور ہیری بروک نے 31 رنز بنائے۔ پاکستان کی جانب سے حارث رؤف اور شاہنواز دھانی نے دو دو وکٹیں حاصل کیں۔

انگلینڈ کی اننگز کا احوالانگلینڈ کی جناب سے ایلکس ہیلز اور فل سالٹ نے اننگز کا اچھا آغاز کیا۔ دونوں نے پانچ اوورز میں 42 رنز بنائے۔ لیکن چھٹے اوور کی پہلی گیند پر شاہنواز دھانی نے پہلے ایلکس ہیلز اور اس سے اگلی گیند پر ڈیوڈ ملان کو بولڈ کر دیا۔ 

TWO IN [email protected] is putting on a show#PAKvENG | #UKSePK pic.twitter.com/9lujc53Yug

— Pakistan Cricket (@TheRealPCB) September 22, 2022

دو وکٹیں گرنے کے بعد بین ڈکٹ کھیلنے آئے اور فل سالٹ کے ساتھ سکور کو آگے بڑھایا۔ دونوں کے درمیان 53 رنز کی شراکت داری بنی جس کے بعد حارث رؤف نے سالٹ کو 30 رنز پر بولڈ کر دیا۔ 

اس سے اگلے اوور میں محمد نواز نے بین ڈکٹ کو بولڈ کر دیا۔ انہوں نے 22 گیندوں پر سات چوکوں کی مدد سے 43 رنز بنائے۔ 

گزشتہ میچ میں اپنی ٹیم کی جیت میں اہم کردار ادا کرنے والے ہیری بروک نے اس میچ میں بھی عمدہ کارکردگی کا مظاہرہ کیا۔ ان کی معین علی کے ساتھ 59 رنز کی شراکت داری بنی۔ وہ 19 گیندوں پر 31 رنز بنا کر حارث رؤف کی گیند پر بولڈ ہوئے۔

معین علی 23 گیندوں پر 55 رنز بنا کر ناٹ آؤٹ رہے۔ (فوٹو: اے ایف پی)بولرز میں سوائے حارث رؤف اور شاہنواز دھانی کے باقیوں نے بری بولنگ کی۔ محمد حسنین، عثمان قادر اور محمد نواز کے 12 اوورز میں مجموعی طور پر 132 رنز بنے جبکہ صرف ایک وکٹ ملی۔

بابر اعظم کی جانب سے بھی دفاعی کپتانی دیکھنے کو ملی۔ شاہنواز دھانی دو گیندوں پر دو وکٹیں حاصل کر کے انگلینڈ کو دباؤ میں لے آئے تھے لیکن کپتان نے ان سے اگلا اوور ہی نہیں کروایا اور بین ڈکٹ نے سپنرز کو خوب دھویا۔

’مڈل آرڈر کو کارکردگی دکھانے کی ضرورت ہے‘ٹاس جیت کر انگلینڈ کے کپتان معین علی نے کہا کہ ’وکٹ پر کافی کریکس ہیں اور آج ہم تین سپنرز کے ساتھ میدان میں اتریں گے۔ لیام ڈوسن کو رچرڈ گلیسن کی جگہ شامل کیا گیا ہے۔‘

گرین شرٹس کے کپتان بابر اعظم کا کہنا تھا کہ ’150 سے 160 رنز کا ہدف حاصل کرنا ممکن ہو گا۔ گزشتہ میچ میں پہلے 10 اوورز میں ہم اچھا کھیلے تھے۔ مڈل آرڈر کو کارکردگی دکھانے کی ضرورت ہے۔ آج کے میچ کے لیے نسیم شاہ کی جگہ محمد حسنین کو شامل کیا گیا ہے۔‘

دونوں ٹیموں کے سکواڈپاکستان: بابر اعظم (کپتان)، محمد رضوان، حیدر علی، شان مسعود، افتخار احمد، خوشدل شاہ، محمد نواز، عثمان قادر، حارث رؤف، محمد حسنین اور شاہنواز دھانی۔

انگلینڈ: فل سالٹ، الیکس ہیلز، ڈیوڈ ملان، بین ڈکٹ، ہیری بروک، معین علی (کپتان)، سیم کرن، ڈیوڈ ویلی، عادل رشید، لیوک ووڈ اور لیام ڈوسن۔

اس سے قبل منگل کو ہونے والے پہلے ٹی20 میچ میں انگلینڈ نے پاکستان کو چھ وکٹوں سے شکست دے دی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More