اسٹار فٹبالر لیونل میسی کی ہسپانوی کلب بار سلونا میں واپسی پکی ہو گئی

ہم نیوز  |  Oct 04, 2022

بارسلونا: ارجنٹائن سے تعلق رکھنے والے اسٹار فٹبالر لیونل میسی یکم جولائی 2023 کو اپنے سابقہ ہسپانوی کلب بارسلونا میں واپس آجائیں گے۔

ہم نیوز نے برطانوی اخبار ’ڈیلی میل‘ کے حوالے سے بتایا ہے کہ لیونل میسی ڈرامائی انداز میں بارسلونا کلب کو چھوڑنے کے بعد آئندہ موسم گرما میں اپنے ’گھر‘ بار سلونا کلب میں واپس آجائیں گے۔ انہوں ںے 2021 میں بارسلونا کو چھوڑنے کے بعد پیرس سینٹ جرمین فٹبال کلب میں شمولیت اختیار کی تھی۔

اس ضمن میں ذرائع ابلاغ کا کہنا ہے کہ سات مرتبہ دنیا کے بہترین فٹبالر کا اعزاز اپنے نام کرنے والے میسی کی واپسی بارسلونا کلب کے صدر جان لاپورٹ کے ساتھ تعلقات کی نوعیت بہتر بنانے کے بعد ہو رہی ہے کیونکہ ماضی میں انھی کے ساتھ تنازع پیدا ہوا تھا۔

واضح رہے کہ جان لاپورٹا نے کچھ عرصہ قبل ای ایس پی این کو انٹرویو دیتے ہوئے کہا تھا کہ وہ خود کو میسی کا مقروض سمجھتے ہیں۔ انہوں نے کہا تھا کہ بارسلونا کیلیے میسی ہی سب کچھ رہا ہے،   وہ ممکنہ طور پر کلب کی تاریخ کا سب سے زیادہ کارآمد اور  بہترین کھلاڑی رہا ہے، بارسلونا کی تاریخ میں صرف جوہان کروف کا ہی میسی سے موازنہ کیا جا سکتا ہے۔

Barcelona president Laporta tells @carodelas on ESPN: “I think, hope that Leo Messi story with Barcelona is not over yet. It’s still open, it’s our responsibility to make sure it has a more beautiful ending than it was”. 🚨🇦🇷 #FCB

“As Barça president, I feel indebted to Messi”. pic.twitter.com/ozPHsuGhod

— Fabrizio Romano (@FabrizioRomano) July 24, 2022

جان لاپورٹا نے  اعتراف کیا تھا کہ جس طرح میسی کلب کو چھوڑ کر گیا تو اخلاقی طور پر کہوں  تو میں خود کو میسی کا مقروض سمجھتا ہوں، بارسلونا کے صدر کی حیثیت سے مجھے لگتا ہے کہ میں نے وہی کیا جو مجھے کرنا تھا لیکن ذاتی  طورپر اور صدر کی حیثیت سے بھی، مجھے لگتا ہے کہ میں ان کا مقروض ہوں۔

برطانوی اخبار نے ارجنٹائن کی رپورٹر ویرونیکا بروناتی کے حوالے سے بتایا ہے کہ میسی صرف دو سال کے بعد یکم جولائی 2023 کو بارسلونا واپس آجائیں گے۔

میسی کا پیرس سینٹ جرمین فٹ بال کلب کے ساتھ معاہدہ

میڈیا رپورٹس کے مطابق میسی نے 2021 میں ایک مرتبہ پھر ہسپانوی کلب بارسلونا میں شمولیت اختیار کرنے کی خواہش ظاہر کی تھی۔ انہوں نے اس حوالے سے کہا تھا کہ وہ کلب میں واپسی بطور ٹیکنیکل ڈائریکٹر چاہتے ہیں کیونکہ وہ کھیل جاری رکھنے کے خواہش مند ہیں۔

رپورٹس کے مطابق میسی نے واضح کیا تھا کہ وہ آئندہ برس ورلڈکپ کے بعد بھی ریٹائر ہونے کا کوئی ارادہ نہیں رکھتے ہیں۔

بچپن سے بارسلونا کے ساتھ منسلک رہنے والے میسی نے 16 سال کی عمر میں بارسلونا کی سینئر ٹیم میں کھیلنا شروع کیا تھا۔ انہوں نے بارسلونا کیلئے 778 میچز میں ریکارڈ 600 بہترین گول کیے۔

لیونل میسی 17 سال میں پہلی باربیلن ڈی اور کیلئے نامزد نہ ہوسکے

ہم نیوز کے مطابق میسی کے ساتھ بارسلونا نے چار مرتبہ چیمپئیز لیگ اور دس مرتبہ لالیگا ٹرافی جیتی، میسی نے چیمئینز لیگ میں 120 اور لالیگا میں ریکارڈ 474 گول اسکور کیے۔ لیونل میسی نے سات مرتبہ بیلن ڈی اور کا ایوارڈ بھی حاصل کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More