آئندہ ماہ نومبر میں قطر میں فٹ بال ورلڈ کپ کا انعقاد ہورہا ہے اور پوری دنیا سے شائقین قطر کا دورہ کرینگے جبکہ بڑی تعداد میں پاکستانی بھی اس ایونٹ کیلئے قطر جائینگے اور اگر آپ بھی قطر کا دورہ کرنے کا ارادہ رکھتے ہیں تو ہم آپ کو بتاتے ہیں کہ یہاں 10 ایسی حیرت انگیز چیزیں ہیں جنہیں دیکھ کر آپ بھی دنگ رہ جائینگے۔
میشیرب میوزیم
میشیرب میوزیم کلاسک قطری فن تعمیر اور روایتی قطری زندگی کی عکاسی کرتا ہے۔ آپ 19 ویں صدی کے ورثے کے گھروں کا دورہ کر سکتے ہیں اور یہاں رہنے والوں کی زندگی اور کام کاج کے بارے میں جان سکتے ہیں۔
دوح ہاربر
روایتی کشتیوں کے دوح ہاربر پر آپ کو ایک انتہائی خوبصورت منظر دیکھنے کو ملے گا جو یقیناً آپ کے کیمرے کی آنکھ میں محفوظ ہونے کے قابل ہوگا۔
کٹارا ثقافتی گاؤں
کٹارا ثقافتی گاؤں قطر کا ایک اور ثقافتی نقطہ نظر پیش کرتا ہے جس میں مساجد، ایک ایمفی تھیٹر اور بہت سی دکانیں اور آرٹ گیلریاں ہیں۔
صحرائے دوحہ
وہ لوگ جو تھوڑا سا ایڈونچر پسند کرتے ہیں، دوحہ کے باہر ریت کے ٹیلے کی سفاری کا تجربہ ضرور کریں اور اگر آپ کا موڈ ہو توبحیرہ اندرون کے ہلکے فیروزی پانیوں میں بھی آرام سے ڈبکی لگائیں۔
سوق وقف
قطر جاکران روایتی بازاروں میں پیش کی جانے والی پرانی دنیا کی دلکشی سے لطف اندوز ہونا یقینی بنائیں۔ "سوق وقف" آپ کو گزرے ہوئے دور کی یاد دلائے گا اور آپ کو پرانی یادوں سے بھر دے گا۔ ضرور دیکھیں، کپڑے، مصالحہ جات، مٹھائیاں اور تحائف فروخت کرنے والی دکانیں آپ کی معلومات میں اضافے کا سبب بنیں گی۔
دبئی پرل
خلیجی ملک میں وینیشین تجربے کے لیے پرل بہترین جگہ ہے۔ یہاں وینیشین طرز کی نہریں اور پانی کے کنارے پر بنے گھر دیکھیں جو خود میں الگ عجوبہ ہیں۔
الٹھاکیرا کے مینگرووز
متحدہ عرب امارات کی طرح قطر بھی مینگرووز پر فخر کرتا ہے۔ الٹھاکیرا کے مینگروز میں پرندوں کی بھرپور زندگی ہے جس میں بگلا اور فلیمنگو شامل ہیں جو موسمی طور پر اس علاقے میں منتقل ہوتے ہیں۔
اسلامی آرٹ کا میوزیم
قطر کا ایک اہم ثقافتی مقام میوزیم آف اسلامک آرٹ ہے جس میں تین براعظموں کے آرٹ اور تقریباً 1400 سال پر محیط فن کو پیش کیا گیا ہے۔ میوزیم کارنیش سے دور ایک جزیرے پر واقع ہے اور نوادرات پھیلے ہوئے ہیں جہاں زائرین زیورات، تلواروں، زرہ بکتر وغیرہ کو دیکھ سکتے ہیں۔
الزبارہ قلعہ
الزبارہ قلعہ ایک تاریخی فوجی قلعہ ہے جو 1938 میں بنایا گیا تھا جو یونیسکو کی فہرست میں موجود الزبارہ آثار قدیمہ کا ایک اہم حصہ ہے۔ اس قلعے میں تین فٹ سے زیادہ موٹی دیواریں ہیں جو حملہ آوروں کے خلاف دفاع میں مدد کرتی ہیں۔ اس جگہ پر رہائشی محلات، مساجد، ایک نہر اور دیکھنے کیلئے بہت کچھ ہے۔