الیکشن کمیشن نے عمران خان کے الزامات کو یکسر مسترد کر دیا

ہم نیوز  |  Oct 06, 2022

اسلام آباد: الیکشن کمیشن آف پاکستان کے ترجمان نے چیئرمین پاکستان تحریک انصاف عمران خان کے الیکشن کمیشن اور چیف الیکشن کمشنر پر لگائے گئے الزامات کو بے بنیاد قرار دے دیا ہے۔

ہم نیوز کے مطابق ترجمان الیکشن کمیشن نے سابق وزیراعظم عمران خان کی جانب سے عائد کردہ تمام الزامات کو یکسر مسترد کرتے ہوئے کہا ہے کہ اخلاق کا درس دینا بہت آسان ہے لیکن اس پر خود عمل کرنا مشکل عمل ہے۔

ترجمان الیکشن کمیشن کے مطابق الیکشن کمیشن کی تمام کارروائی بشمول توشہ خانہ کیس کھلی عدالت میں ہوتی ہے۔

ہم نیوز کے مطابق الیکشن کمیشن کے ترجمان نے واضح کیا ہے کہ الیکشن کمیشن کسی دباؤ کو خاطر میں  نہ لاتے ہوئے آئین اور قانون کے مطابق امور سرانجام دیتا رہے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More