اسمبلیاں کب تحلیل کریں گے؟ فیصلہ آئندہ ہفتے ہو گا، فواد چودھری

ہم نیوز  |  Dec 01, 2022

دینہ: پاکستان تحریک انصاف کے ہیڈ آف میڈیا افیئرز فواد چودھری نے کہا ہے کہ آئندہ ہفتے فیصلہ ہو گا کہ اسمبلیاں کب تحلیل کریں گے؟

انہوں ںے دینہ منگلا بائی پاس روڈ کا افتتاح کرنے کے بعد ذرائع ابلاغ سے بات چیت کرتے ہوئے کہا کہ 20 مارچ سے پہلے الیکشن ہو جائیں گے، اس وقت حکومت بوکھلاہٹ کا شکار ہے،۔

سابق وفاقی وزیر فواد چودھری نے کہا کہ 12.83 کلو میٹر روڈ ایک ارب 13 کروڑ کی لاگت سے تیارہوا ہے جو علاقے کے عوام کو سفری سہولتیں فراہم کرے گا۔

انہوں ںے کہا کہ پہلے یہ کہتے تھے کہ الیکشن چاہتے ہیں تو صوبائی اسمبلیاں توڑیں، جب ہم نے اسمبلیاں توڑنے کا فیصلہ کیا تو ان کے بیانات بدل گئے۔

فواد چودھری نے دعویٰ کیا کہ پاکستان تحریک انصاف صوبہ پنجاب اور خیبرپختونخوا میں دو تہائی اکثریت سے حکومت بنائے گی۔

پنجاب اسمبلی عمران خان کی امانت ہے، ہر فیصلے کا ساتھ دیں گے، پرویز الہیٰ

پی ٹی آئی رہنما فواد چودھری نے ذرائع ابلاغ سے بات چیت کرتے ہوئے کہا کہ پاکستان میں طاقتور لوگ قانون سے بالا تر ہیں، جب تک طاقتور قانون کے نیچے نہیں آئیں گے ہم ترقی نہیں کر سکتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More