فٹ بال ورلڈ کپ: کروشیا جاپان کو ہرا کر کوارٹر فائنل میں

اردو نیوز  |  Dec 06, 2022

کروشیا نے فیفا ورلڈ کپ فٹ بال ٹورنامنٹ میں جاپان کو ایک کے مقابلے میں تین گول سے ہرا کر کوارٹر فائنل کے لیے کوالیفائی کر لیا ہے۔

پیر کی رات کو کھیلے گئے میچ کا فیصلہ پینلٹی شوٹ آؤٹ پر ہوا۔

پینلٹی شوٹ آؤٹ میں کروشیا کے گول کیپر ڈومینیک لیاکووک نے شاندار کھیل کا مظاہرہ کرتے ہوئے چار میں سے تین پینلٹیز کو روک لیا۔

قبل ازیں دونوں ٹیموں کے درمیان میچ  مقررہ 90 منٹ میں ایک ایک گول سے برابر رہا اور اضافی وقت میں بھی میچ برابر رہا۔

میچ کا پہلا گول 43 ویں منٹ میں جاپان کے کھلاڑی ڈیزن میڈا نے سکور کیا۔ کروشیا نے 55 ویں منٹ میں گول کرکے سکور برابر کر لیا۔

گروپ میچوں میں جاپان نے جرمنی اور سپین کی مضبوط ٹیموں کو ہرا کر پری کوارٹر فائنل کے لیے کوالیفائی کر لیا تھا۔

کروشیا کی ٹیم 2018 کے ورلڈ کپ کی فائنلسٹ رہی ہے۔ 

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More