لاہور میں سموگ کے باعث ڈیوٹی کا طریقہ کار تبدیل، سکولوں میں چھٹیاں

اردو نیوز  |  Dec 07, 2022

لاہور میں سموگ کے باعث بننے والی صورت حال کے حوالے سے نجی ملازمین کی ڈیوٹی کے طریقہ کار اور سکولوں کی چھٹیوں کے نوٹیفیکیشنز عدالت میں پیش کر دیے گئے ہیں۔

بدھ کو لاہور ہائیکوٹ میں اس کی جانب سے جاری کیے جانے والے احکامات پر عملدرامد کے معاملے کا جائزہ لیا گیا اس موقع پر ریلیف کمشنر پنجاب زاہد زمان نے نوٹیفیکیشن عدالت میں پیش کیا۔

ملازمین کی ڈیوٹی کے طریقہ کار کے نوٹیفیکیشن میں بتایا گیا ہے کہ نجی کمپنیوں اور اداروں سے وابستہ افراد جمعے اور ہفتے کو گھر سے کام کریں گے اور اس کا عدالتی حکم کے مطابق اطلاق آج سے ہو گا۔

نوٹیفیکیشن کے مطابق نجی اداروں کے ملازمین عدالتی حکم کے مطابق 15 جنوری تک گھروں سے کام کریں گے۔

خیال رہے لاہور ہائیکورٹ کے جسٹس شاہد کریم نے سموگ کے باعث نجی اداروں کو ہفتے میں دو روز گھر سے کام کرنے کے احکامات جاری کیے تھے۔

علاوہ ازیں سیکریٹری سکول ایجوکیشن پنجاب نے سکولوں کی چھٹیوں کا نوٹیفیکیشن بھی عدالت میں پیش کیا۔

نوٹیفیکیشن کے مطابق سموگ کے خاتمنے تک لاہور کے سرکاری و نجی تعلیمی ادارے جمعہ، ہفتہ اور اتوار کو بند رہیں گے۔

اس میں ڈسٹرکٹ ایجوکیشن افسران کو چھٹیوں پر عملدرامد یقینی بنانے کی ہدایت بھی کی گئی ہے۔

خیال رہے لاہور ہائیکورٹ نے سموگ کے باعث ہفتے میں تین دن سکول بند رکھنے کا حکم بھی دے رکھا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More