نیوزی لینڈ نے سری لنکا کو دو ٹیسٹ میچز کی سیریز کے پہلے میچ میں اعصاب شکن مقابلے کے بعد دو وکٹوں سے شکست دے دی۔کرائسٹ چرچ ٹیسٹ میں نیوزی لینڈ نے 285 رنز کا ہدف میچ کے پانچویں دن کی آخری گیند پر حاصل کیا۔ںیوزی لینڈ کی جانب سے کین ولیمسن نے 121، ڈیرل مچل نے 81 اور ٹام لیتھم نے 24 رنز سکور کیے۔اس میچ میں نیوزی لینڈ کی جیت کے بعد سری لنکا آئی سی سی ورلڈ ٹیسٹ چیمپیئن شپ کے فائنل کی دوڑ سے باہر ہوگیا ہے جس کے بعد ورلڈ ٹیسٹ چیمپیئن شپ کا فائنل آسٹریلیا اور انڈیا کے درمیان کھیلا جائے گا۔BLACKCAPS WIN BY 2 WICKETS!
Catch all the action on-demand on Spark Sport #SparkSport #NZvSL pic.twitter.com/aYg6cpyLLy
— Spark Sport (@sparknzsport) March 13, 2023دوسری جانب احمد آباد میں انڈیا اور آسٹریلیا کے درمیان کھیلا گیا بارڈر گواسکر ٹرافی کا چوتھا ٹیسٹ بغیر کسی نتیجہ کے بعد ختم کر دیا گیا۔آخری ٹیسٹ میچ ڈرا ہونے کے بعد انڈیا نے چارٹیسٹ میچز کی سیریز 1-2 سے اپنے نام کرتے ہوئے بارڈر گواسکر ٹرافی لگاتار چوتھی مرتبہ اپنے نام کر لی ہے۔India have qualified for the World Test Championship final!
They'll take on Australia at The Oval for the #WTC23 mace!
More: https://t.co/75Ojgct97X pic.twitter.com/ghOOL4oVZB
— ICC (@ICC) March 13, 2023احمد آباد ٹیسٹ میں آسٹریلیا نے پہلی اننگز میں عثمان خواجہ کی 180 اور کیمرون گرین کی 114 رنز کی اننگز کے بدولت 480 رنز بنائے تھے جس کے جواب میں انڈیا نے پہلی اننگز میں 517 رنز سکور کیے۔انڈیا کی جانب سے پہلی اننگز میں وراٹ کوہلی نے 186، شمبان گِل نے 128 جبکہ سری کار بھارت نے 44 رنز بنائے۔Runs galore here in Ahmedabad with the final Test resulting in a Draw!
A series to remember for both teams TeamIndia | #INDvAUS pic.twitter.com/f0auEbsMP4
— BCCI (@BCCI) March 13, 2023دوسری اننگز میں انڈیا کی 91 سکور کی برتری کے جواب میں آسٹریلیا نے دو وکٹوں پر 175 رنز بنائے جس کے میچ ڈرا ہوگیا۔وراٹ کوہلی کو 186 رنز کی اننگز کے بعد پلیئر آف دی میچ کا اعزاز دیا گیا ہے۔خیال رہے آسٹریلیا اور انڈیا کے درمیان آئی سی سی ورلڈ ٹیسٹ چیمپیئن شپ کا فائنل رواں سال 7 جون سے انگلینڈ کے اوول کرکٹ گراؤںڈ میں کھیلا جائے گا۔