دولہا اور دلہن کی خواہش ہوتی ہے کہ ان کی شادی میں کچھ ایسا انوکھا ہو جو ہمیشہ یاد رکھا جائے۔ مگر کبھی کبھار انوکھا کرنے کے چکر میں کام سیدھا نہیں بلکہ الٹا ہوجاتا ہے۔
ہماری ویب ڈاٹ کام میں آپ کو دولہا اوردلہن کی شادی کی تقریب سے ایک ایسی ہی ویڈیو دکھانے جا رہے ہیں جس نے سب کو چونکا کر رکھ دیا۔
ویڈیو میں دیکھا جا سکتا ہے کہ دولہا اور دلہن ٹریکٹر کے لوڈر پر بیٹھے مہمانوں کو دیکھ کر انہیں ہاتھ ہلا رہے ہیں۔ جوڑا اپنی شادی کے موقع پر بہت خوش دکھائی دے رہا ہے مگر آگے ان کے ساتھ کیا ہونے والا ہے وہ ان کے وہم و گمان میں نہیں ہوتا۔
تھوڑی ہی دیر بعد دیکھا گیا کہ ٹریکٹر کو لوڈر جوڑے کا وزن برداشت نہیں کر پایا اور وہ اچانک نیچے ہوا جس کے نتیجے میں دولہا اور دلہن منہ کے بل نیچے گرے اور ان کی شادی کا یہ وقت ہمیشہ کے لیے یادگار بن گیا۔
ویڈیو دیکھ کر سوشل میڈیا صارفین خوب محظوظ ہوئے اور طرح طرح کے مزاحیہ تبصرے کرتے نظر آئے۔ کچھ صارفین کا کہنا تھا کہ سادگی سے شادی کرنے کے بجائے ششکے دکھائیں گے تو ایسا تو ہوگا۔
کچھ نے کہا کہ دلہن اور دولہا دونوں گھر کے بجائے سیدھا اسپتال رخصت ہوں گے۔