اسرائیل کے وزیر خزانہ کا فلسطینی عوام کے وجود سے انکار

ہم نیوز  |  Mar 20, 2023

پیرس: انتہا پسند سوچ کے حامل اسرائیلی وزیر خزانہ بتسلائیل سموتریچ نے فلسطینی عوام کے وجود سے ہی یکسر انکار کرتے ہوئے کہا ہے کہ فلسطینی عوام جیسی کسی چیز کا کوئی وجود نہیں ہے۔

اسرائیل کے مؤقر انگریزی اخبار یروشلم پوسٹ کے مطابق وزیر خزانہ بتسلائیل سموتریچ نے فرانس میں منعقدہ تقریب کے دوران خطاب کرتے ہوئے کہا فلسطینی عوام محض ایک ذہنی اختراع ہے اور یہ 100 سال پرانی ہے۔ انہوں نے دعویٰ کیا کہ وہ فلسطینی ہیں۔

واضح رہے کہ دائیں بازو کی انتہا پسند مذہبی پارٹی کے سربراہ سموتریچ نے گزشتہ دنوں پرتشدد کارروائیوں کے بعد مطالبہ کیا تھا کہ فلسطینی قصبے حوارہ کو صفحہ ہستی سے مٹا دینا چاہیے۔ ان کے اس بیان کی مغربی دنیا کی جانب سے بھرپور مذمت بھی کی گئی تھی

میڈیا کے مطابق مذہبی صیہونیت پار ٹی کے سربراہ سموتریچ کو فرانس میں بنیاد پرست صیہونی کارکن اور لیکود پارٹی کے سابق سربراہ جیکیوس کپفر کے اعزاز میں منعقدہ ایک شام میں شرکت کے لیے فرانس کے دارالحکومت پیرس میں مدعو کیا گیا تھا۔

لیگ فار ہیومن رائٹس سمیت دیگر کئی حلقوں کی جانب سے فرانس میں اسرائیلی وزیر خزانہ کی آمد پر سخت تنقید بھی کی گئی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More