اپنے کسی پیارے کے دنیا سے چلے جانے پر غم کیا جاتا ہے اور ان کے لیے پڑھائی کی جاتی ہے۔ مگر ایک ایسا شخص سامنے آیا ہے جس نے اپنے پیارے کو کھو دینے پر کچھ عجیب کیا۔
ہماری ویب ڈاٹ کام میں آپ کو اسی نوجوان سے متعلق بتائیں گے۔
بھارت سے تعلق رکھنے والے مشہور یوٹیوبر نے اپنے نانا کی وفات پر وی لاگ اپ لوڈ کیا جس کے بعد لوگوں نے اس پر سخت تنقید کی۔
رپورٹ کے مطابق بھارتی یوٹیوبر لکشے چوہدری کو اپنے نانا کی موت پر ان کی آخری رسومات کا وی لاگ بنانا مہنگا پڑا۔
لکشے نے ایک ویڈیو اپنے یوٹیوب چینل پر پوسٹ کی جس میں وہ نانا کی موت کی آخری رسومات میں شرکت کرنے والے اپنے رشتے داروں سے نانا کی موت سے متعلق گفتگو کررہے ہیں۔
نوجوان کی جانب سے یہ ویلاگ تین روز قبل بنایا گیا جسے ایک لاکھ پانچ ہزار بار دیکھا جا چکا ہے۔
جہاں سوشل میڈیا صارفین کی جانب سے لکشے کے نانا کی وفات پر افسوس کا اظہار کیا گیا وہیں ٹوئٹر صارفین نے مذکورہ یوٹیوبر کو تنقید کا نشانہ بنایا۔
ایک ٹوئٹر صارف نے لکشے کی ویڈیو کا تھمبنیل شئیر کرتے ہوئے لکھا کہ کانٹینٹ کریئٹر جو ان کا طنزیہ انداز میں کہنا تھا۔
دیگر سوشل میڈیا صارفین بھی یوٹیوبر کے ویلاگ پر شدید تنقید کا نشانہ بنا رہے ہیں۔