آج صبح سویرے کراچی میں بارش سے موسم خوشگوار ہوگیا ہے، وہیں محکمہ موسمیات نے کراچی کے شہریوں کو مزید بارش کی نوید سنا دی ہے۔
ہماری ویب ڈاٹ کام میں آپ کو بارش کی تازہ ترین صورتحال سے متعلق تفصیلات فراہم کریں گے۔
رپورٹ کے مطابق محکمہ موسمیات کی جانب سےشہر کراچی میں آئندہ چند گھنٹوں میں کراچی سمیت ٹھٹہ ، بدین، حیدر آباد میں گرج چمک کے ساتھ کہیں ہلکہ اور کہیں تیز بارش کا امکان ہے۔
محکمہ موسمیات کے مطابق بحیرہ عرب سے بارش برسانے والے بادلوں کا بڑا حصہ کراچی کی جانب بڑھ رہا ہے جس کے باعث تیز بارش کا امکان ظاہر کیا گیا ہے۔
گزشتہ رات ضلع گوادر کے مختلف علاقوں میں بھی بارش ہوئی تھی۔ اس سے قبل بھی محکمہ موسمیات کی جانب سے بتایا گیا تھا کہ ماہ رمضان کے پہلے عشرے تک کراچی سمیت ملک بھر میں موسم خوشگوار رہے گا۔