اذان ہوئی تو سحری کا کھانا آیا۔۔ سحری کے انتظار میں بیٹھے دوستوں کے ساتھ ایسا مزاق کون کرتا ہے؟ ویڈیو وائرل

دوست جب کبھی ایک ساتھ بیٹھتے ہیں تو کچھ ایسا ضرور ہو جاتا ہے جو کہ سب کی توجہ حاصل کرتا ہے۔

ہماری ویب ڈاٹ کام کی اس خبر میں آپ کو اسی حوالے سے بتائیں گے۔

سوشل میڈیا پر چند دوستوں کی ایک ویڈیو نے اس وقت سب کی توجہ حاصل کی جب عین سحری ختم ہونے کے وقت دوست کھانا لے آیا۔

ویڈیو میں دیکھا جا سکتا ہے کہ سحری کے لیے بنائی گئی ڈش جیسے ہی محفل میں دسترخوان پر رکھی گئی تھی اذان کی آواز نے سب کو حیران کر دیا۔

سحری کے وقت اذن کی آواز آنا اس بات کی علامت ہوتی ہے کہ سحری کا وقت ختم ہو گیا ہے اور اب روزہ دار کچھ کھا پی نہیں سکتا ہے۔

بس پھر کیا تھا اذان سنتے ہی پہلے دوست نے جذباتی ہو کر محفل سے رخصت کو ترجیح دی، جبکہ جاتے جاتے بھی منہ ر دوست کی عزت افزائی خوب تھی۔

جبکہ دوسرا دوست بھی لب کشائی کرنے سے باز نہ آیا، اور آتا بھی کیسے کیونکہ بنا سحری کا روزہ جو رکھنا پڑا۔

ساتھ ہی دیگر مہمان دوست بھی میزبان کو یوں دیکھ رہے تھے کہ جیسے ابھی کچا چبا جائیں گے دوسری جانب خود میزبان اس حد تک پریشان و حیران تھا کہ اسے کچھ سمجھ ہی نہیں آیا۔ سوشل میڈیا پر ویڈیو نے سب کی توجہ حاصل کر لی ہے۔