پاکستانی کرکٹ ٹیم گذشتہ روز افغانستان سے سیریز ہار گئی جس کے بعد مداح مایوس ہوگئے۔ افغانستان پہلی بار پاکستان سے سیریز جیتا جس پر سوشل میڈیا صارفین نے پاکستانی نوجوان کھلاڑیوں کو تنقید کا نشانہ بنایا۔ وہیں اسی میچ میں وائرل مناظر بھی دیکھنے کو ملے۔
ہماری ویب ڈاٹ کام کی اس خبر میں اسی حوالے سے آپ کو بتانے جا رہے ہیں۔
گذشتہ روز کھیلے گئے میچ سے ایک پاکستانی ٹیم کو سپورٹ کرنے والی تماشائی کی ویڈیو وائرل ہو رہی ہے جس نے اعظ خان کے آؤٹ ہوجانے پر ایسا اشارہ کیا جو کیمرے کی آنکھ میں قید ہوگیا۔
اعظم خان افغان باؤلر راشد خان کی باؤل پر ایل بی ڈبلیو ہوکر جب پویلین کی طرف جارہے ہوتے ہیں تو وہیں کیمرہ غصے سے بھرے تماشائی کی طرف جاتا ہے جو اپنا غصہ دکھاتا ہے۔
تماشائی اعظم خان کو دیکھ کر کھانے اور موٹا ہونے کا اشارہ کرتا ہے جس کی ویڈیو سوشل میڈیا پو وائرل ہو رہی ہے۔
واضح رہے کہ افغانستان نے اتوار کو 3 میچز پر مشتمل سیریز کے کھیلے گئے دوسرے میچ میں پاکستان کو 7 وکٹوں سے شکست دے کر سیریز میں 0-2 کی فیصلہ کن برتری حاصل کرلی۔