شاہین آفریدی اور شاہد آفریدی پاکستان کے بہترین اور مایاناز کھلاری ہیں جنہیں آپ نے کئی مرتبہ پی ایس ایل میں کھیلتے دیکھا ہوگا۔ مگر اب یہ رشتےدار بن چکے ہیں کیونکہ شاہین کا لالہ کی بیٹی انشاء سے نکاح ہوا ہے۔
اس مقدس رشتے میں بندھنے کے بعد شاہین نے اس رمضان کی پہلی افطاری لالہ کے گھر سے کی ۔ جس کی تصویر اس وقت سوشل میڈیا پر گردش کر رہی ہے۔ اس تصویر میں دیکھا جاسکتا ہے کہ میز پر کھانا لگا ہوا ہے اور یہ دونوں بری ہی فکر سے دیگر مہمانوں کی جانب دیکھ رہے ہیں کہ کہیں کسی کو کسی چیز کی ضرورت تو نہیں۔
اس خاص لمحے پر دیکھا جاسکتا ہے کہ دونوں شلوار قمیض زیب تن کی ہوئی تھی۔ تاہم اس سے پہلے بھی گزشتہ رمضان میں شاہین نے آفریدی کے گھر افطاری کی اور ملک و قوم کیلئے دعائیں بھی کیں۔
اس وقت یہ تصویر بھی خوب وائرل ہوئی تھی جس میں آفریدی کی چھوٹی بیٹی بھی اللہ کے حضور دعا کیلئے ہاتھ اٹھائے ہوئے تھی۔