شاہ سلمان مرکز کی جانب سے سیلاب متاثرین کے لیے امدادی سامان کی فراہمی

شاہ سلمان امدادی مرکز نے پاکستان سیلاب متاثرین میں نان فوڈ آئٹمز (این ایف آئی) کِٹس کی تقسیم کا پراجیکٹ مکمل کر لیا ہے۔

کنگ سلمان ہیومنٹیرین ایڈ اینڈ ریلیف سینٹر (کے ایس ریلیف) کی جانب سے ملک کے مختلف حصوں میں مقیم سیلاب متاثرین کو تیسرے اور چوتھے مرحلے کے تحت کی 15 ہزار این ایف آئی کٹس فراہم کی گئی ہیں جس کے بعد تقسیم شدہ کٹس کی تعداد 50 ہزار ہو گئی ہے۔ اس ریلیف پیکیج سے ساڑھے تین لاکھ افراد مستفید ہوئے۔

ہر این ایف آئی کٹ میں دو کمبل، پلاسٹک میٹ، شیلٹر کٹ، کچن سیٹ اور اینٹی بائیوٹک صابن شامل ہیں۔

یہ ریلیف پیکیج نیشنل ڈیزاسٹر مینیجمنٹ اتھارٹی (این ڈی ایم اے) اور صوبائی حکومتوں کی مدد سے شفاف طور پر تقسیم کیا گیا۔