مسٹر انڈیا میں ستیش کوشک کے کردار ’کیلنڈر‘ کا تعلق پاکستان اور جنرل ضیا الحق سے کیسے ہے؟

بی بی سی اردو  |  Apr 09, 2023

BBC

ممبئی میں ٹیکسٹائل مل اور مل میں ملازمت کا پہلا دن۔ پہلے دن کا کام خاک آلود کمرے کو جھاڑنا اور صاف کرنا تھا۔

جس شخص کو یہ کام کرنا تھا وہ ملک کے مشہور نیشنل سکول آف ڈرامہ کا پاس آؤٹ تھا اور اس نے ایف ٹی آئی آئی پونے میں ٹریننگ بھی لی تھی اور کئی ڈراموں میں کام کر چکا تھا۔

لیکن چونکہ وہ فلموں میں قسمت آزمانا چاہتے تھے، اس لیے ستیش کوشک کو دہلی سے ممبئی آنا پڑا اور روزی کمانے کے لیے ٹیکسٹائل مل میں کام کرنا پڑا۔

مشہور فلمساز اور اداکار ستیش کوشک گذشتہ دنوں 66 برس کی عمر میں وفات پا گئے تھے۔

ستیش کوشک نو اگست سنہ 1979 کو ممبئیآئے تھے۔ اس کے بعد اگلے ایک سال تک ستیش کوشک دن میں مل میں کام کرتے تھے اور شام کو ڈراموں میں۔

13 اپریل سنہ 1956 کو پیدا ہونے والے ستیش کوشک کو 'مسٹر انڈیا' نامی فلم میں لوگوں نے نہ صرف پہچانا، بلکہ انھیں ایک بڑا سٹار بنایا اور پھر اس کے بعد ستیش کوشک نے کبھی پیچھے مڑ کر نہیں دیکھا۔

پاکستان اور کیلنڈر

باورچی کیلنڈر مسٹر انڈیا اور ستیش کوشک کے کیریئر کے یادگار کرداروں میں سے ایک تھا۔ کیلنڈر کا ہنسنے اور چلنے کا اپنا انداز تھا۔

’کیلنڈر کھانا دو‘ فلم کا مشہور ڈائیلاگ بن گیا۔ اس کردار کا نام کیلنڈر ستیش کوشک نے رکھا تھا اور اس کا تعلق پاکستان اور جنرل ضیا الحق سے بھی ہے۔

دراصل سنہ 1984 میں پاکستانی ٹی وی ڈرامہ ’آنگن ٹیڑھا‘ بہت مشہور ہوا اور اسے انڈیا میں بھی دیکھا گیا۔ ستیش کوشک نے یہ پاکستانی ڈرامہ اور اس کے کرداروں کو پسند کیا۔۔۔ خاص طور پر وہکردار جسے کلاسیکل گلوکار اور لہری نامی مشہور مزاح نگار سے شیف بننے پر مجبور ہونا پڑا۔

ان کے چلنے پھرنے، بات کرنے کا انداز، باڈی لینگویج نسوانی تھی۔ فلم مبصر کومل ناہٹا کے شو میں ستیش کوشک نے بتایا کہ انھیں وہ کردار بہت پسند آیا اور وہیں سے کیلنڈر کے کردار نے جنم لیا۔

ضیا الحق اور آنگن ٹیڑھاGetty Images

اسے ایک فنکار کی خوبی سمجھا جا سکتا ہے یا یوں کہہ لیں کہ ایک اچھا فنکار کسی بھی جگہ، کسی بھی جگہ کے فن سے منسلک ہو سکتا ہے۔

ستیش کوشک کا انٹرویو سننے کے بعد ہی میں نے انٹرنیٹ پر آنگن ٹیڑھا دیکھنا شروع کیا۔ پاکستانی ڈرامہ آنگن ٹیڑھا یقیناً ایک طنزیہ شو تھا لیکن اس کے پیچھے کی کہانی کافی دلچسپ ہے۔

بی بی سی اردو سروس کے سینئر صحافی عارف شمیم ​​جو اس وقت پاکستان میں تھے کہتے ہیں ’مجھے بالی وڈ فلموں اور پاکستانی ٹی وی ڈراموں دونوں کو دیکھنے کا شوق ہے۔ ضیا الحق کی آمریت کے دور میں پاکستانی ڈرامے بہترین تھے۔ ہدایت کاروں اور پروڈیوسروں نے ایک انوکھا طریقہ تلاش کیا۔ انھوں نے مارشل لا پر اپنے غصے کا اظہار طنز کے ذریعے کیا۔ آنگن ٹیڑھا ایسا ہی ایک شاہکار تھا۔‘

درحقیقت ضیا الحق کے دور میں پاکستان کے بہت سے ڈانس سکول بند ہو گئے تھے۔ پھر مصنف انور مقصود نے بڑی چالاکی سے آنگن ٹیڑھا میں اکبر نامی رقاصہ کا کردار پیش کیا جو اب باورچی کا کام کرتی تھی۔ انور مقصود نے بتایا تھا کہ وہ درحقیقت ایک ایسی ڈانسر کو جانتے ہیں جو ڈانس اکیڈمی بند ہونے کے بعد بے روزگار ہو گئی اور چونکہ وہ صرف کھانا پکانا جانتی تھی اس لیے کسی کے گھر باورچی کا کام کرنے لگی۔

عارف شمیم ​​بتاتے ہیں ’آنگن ٹیڑھا بڑی چالاکی سے ضیا الحق کی آمریت کے دوران فن اور فنکاروں کی حالت زار کی عکاسی کرتا ہے۔ درحقیقت اس زمانے میں 50-50 جیسے کئی اور پاکستانی ٹی وی ڈرامے بھی بنائے گئے، جس کی ہر قسط میں بالواسطہ طور پر ضیا الحق کی حکومت کا مذاق اڑایا جاتا تھا۔ کہا جاتا ہے کہ ضیا الحق خود اس سیریل کے مداح تھے اور پروڈیوسر کو بتاتے تھے کہ وہ اپنے اوپر ہونے والے طنز کو سمجھتے ہیں۔‘

کیلنڈر کا کردار پاکستانی ڈراموں سے متاثر تھا لیکن اس کا نام ستیش کوشک نے ایک حقیقی شخص کے نام پر رکھا تھا۔ جب ان کے والد کام کے لیے راجستھان جاتے تھے تو ان کا ایک جاننے والا اپنے نام کے ساتھ کیلنڈر کا لاحقہ لگاتا تھا۔

تو اس طرح ایک انڈین شخص اور ایک پاکستانی ٹی وی سیریل نے ہمیں کیلنڈر کی شکل میں ایک شاندار کردار دیا۔

’میرا ایکس رے مجھ سے زیادہ خوبصورت ہے‘NDFC

زیادہ تر لوگ ستیش کوشک کو ان کی زبردست مزاحیہ ٹائمنگ اور مکالمے کے لیے جانتے تھے اور یہ ہنر ان میں شروع ہی سے تھا۔

ایک بار گردے میں پتھری کی شکایت باعث وہ ممبئی کے ہسپتال گئے اور ایکسرے کروایا۔ شیام بینیگل کی فلم منڈی کی شوٹنگ قریب ہی چل رہی تھی۔

تو ستیش کوشک وہاں کام مانگنے گئے اور شیام بینیگل سے کہا کہ میں این ایس ڈی سے ہوں اور مجھے بھی کام دو۔

جب بینیگل نے اپنی تصویر چھوڑ جانے کو کہا تو ستیش کوشک کو یاد آیا کہ انھوں نے کبھی تصویر ہی نہیں بنوائی تھی مگر فوراً کہا، ’شیام جی، میرا ایکسرے رکھو، وہ میرے چہرے سے زیادہ خوبصورت ہے۔‘

یہ سن کر شیام بینیگل زور سے ہنسے اور ستیش کوشک کو فلم میں لے لیا جس میں شبانہ اعظمی، نینا گپتا، سمیتا پاٹل، نصیرالدین شاہ، اوم پوری اور پنکج کپور جیسے اداکار تھے۔

معصوم میں موقع کیسے ملا؟

یہ ایک عجیب اتفاق ہے کہ ستیش کوشک کی تین چار فلمیں 1983 میں آئیں اور سب نے بہت نام کمایا- 'منڈی'، 'جانے بھی دو یارو' اور 'وہ سات دن'۔ وہیں معصوم میں ستیش کوشک نے شیکھر کپور کے ساتھ اسسٹنٹ ڈائریکٹر کے طور پر کام کیا۔

ستیش کوشک ایک اداکار بننے کے لیے ممبئی آئے تھے۔ وہ 9 اگست کو آئے اور 16 اگست کو انھیں ممبئی میں ایک ڈرامے میں اداکاری کا موقع بھی ملا کیونکہ ایک اداکار کو اچانک کہیں جانا پڑا۔

ڈرامے سے ٹیکسٹائل مل تک، وہاں سے فلمیں، اسسٹنٹ ڈائریکشن، ڈائریکشن اور لکھنے تک۔۔۔ انھوں نے تقریباً سب کچھ کیا۔

سب سے پہلے ستیش کوشک کو شیکھر کپور کی فلم معصوم میں اسسٹنٹ ڈائریکٹر کے طور پر کام کرنے کا موقع ملا جس کی کہانی دلچسپ ہے۔

ائیرپورٹ گئے اور رول لے لیا

ایک انٹرویو میں ستیش کوشک نے بتایا تھا ’ایک دن میں نے شیکھر کپور کے گھر فون کیا، بتایا گیا کہ وہ کسی کو ڈراپ کرنے ایئرپورٹ گئے تھے۔ میں فوراً ایئرپورٹ پہنچا اور اتفاق سے انھیں شیکھرمل گئے۔ وہ بہت حیران ہوئے کہ میری کوئی فلائٹ نہیں تھی اور میں صرف ان سے کام مانگنے آیا تھا۔ بعد میں جب میں نے ان سے دوبارہ فون پر بات کی تو انھوں نے کہا کہ انھوں نے راجکمار سنتوشی کو رکھ لیا ہے۔‘

’میں انگریزی میں کچھ اور کہنا چاہتا تھا لیکن غلط انگریزی میں، میں نے کہا کہ ’آپ مجھے یاد کریں گے کیونکہ میں بہت محنتی ہوں‘۔۔۔ بس پھر کیا تھا اس طرح انھیں اس فلم میں کام مل گیا۔

ہدایت کاری کا سفر ایک فلاپ فلم سے شروع ہوا

ستیش کوشک ڈرامہ کے دنوں سے ہی ہدایت کاری میں دلچسپی رکھتے تھے۔ سنہ 1993 میں (انیل کپور اور سری دیوی) کے ساتھ ستیش کوشک کی ہدایت کردہ پہلی فلم ’روپ کی رانی، چوروں کا راجہ‘ اس وقت کی سب سے مہنگی ہندی فلم تھی۔

فلم بری طرح فلاپ رہی۔ اس حد تک کہ ستیش کوشک بتاتے ہیں کہ انھوں نے خودکشی کرنے کا سوچا لیا۔

پھر 1995 میں بطور ہدایت کار دوسری فلم 'پریم' بھی فلاپ ہو گئی۔ اس کے بعد 1996 میں ستیش کوشک کے دو سالہ بیٹے کی موت ہو گئی تھی۔ یہ ان کی زندگی کا سب سے مشکل وقت تھا۔

لیکن ستیش کوشک ایک اداکار اور ہدایت کار کے طور پر واپس آئے۔ انھوں نے 1999 میں 'ہم آپ کے دل میں رہتے ہیں'، 2001 میں 'مجھے کچھ کہنا ہے' اور 2003 میں 'تیرے نام' بنائی۔

دوسری اننگز میں تیرے نام کا نام ہمیشہ ان فلموں میں لیا جاتا ہے جس نے سلمان کے کریئر کو ایک نئی جہت دی۔

اگر ستیش کوشک کے مکالموں کو خالی کاغذ پر پڑھا جائے تو وہ بہت معمولی یا بے بنیاد لگتے ہیں - مثال کے طور پر دیوانہ مستانہ کا ڈائیلاگ 'ایک ٹماٹر کے آخری دانے' اور دودھ کے پھٹیلے حصے یا ساجن چلے سسرال کا ڈائیلاگ: 'ہمارا باپ نارتھ انڈین'، ہمارا مادر ساؤتھ انڈین، اس لیے ہم کمپلیٹ انڈینی۔'

لیکن اگر آپ یوٹیوب پر جا کر ان ڈائیلاگز کو سرچ کریں اور ستیش کوشک کے انداز میں سنیں تو آپ ضرور مسکرائیں گے- چاہے وہ دیوانہ مستانہ کا پپو پیجر ہو، ساجن چلے سسرال کا متھوسوامی، مسٹر اینڈ مسز کھلاڑی کا چندا ماما، رام لکھن کاکاشی رام ہو یا حسینہ مان جائے گی کا کنج بہاری ہو۔

@SATISHKAUSHIK2

1983 میں ستیش کوشک نے جانے بھی دو یارو میں کام کیا، جس میں زیادہ تر نئے مصنف، ہدایت کار، اداکار کام کر رہے تھے۔ ستیش کوشک کا کردار ایک بدعنوان بلڈر (پنکج کپور) اشوک نمبودیری پاد کے کرپٹ اسسٹنٹ کا تھا۔

ستیش کوشک کا ایک منظر مشہور سمجھا جاتا ہے۔ فلم کا یہ سین عقل اور منطق سے بہت دور ہے۔ منظر یہ ہے کہ نصیر الدین شاہ ایک جاسوس کا بھیس بدل کر بدعنوان بلڈرز کے کمرے میں جاتا ہے جہاں بلڈر پنکج کپور کا دائیاں ہاتھ ستیش کوشک بھی موجود ہوتا ہے۔

نصیر ان سے کہتا ہے کہ آپ کے لیے ایک خفیہ کال ہے، اب ستیش کوشک اور نصیر الدین شاہ ایک ہی کمرے میں دو لینڈ لائن فون سے ایک دوسرے سے بات کرتے ہیں۔

ایک وقت فون گرتے ہیں اور تاریں الجھ جاتی ہیں، پھر دونوں ایک ہی کمرے سے ایک دوسرے سے پیٹھ پیچھے باتیں کرتے ہیں۔ ستیش کوشک بھی نصیر کو اپنے کمرے میں آئینے میں دیکھتا ہے لیکن بات چیت جاری رہتی ہے۔ اس انتہائی مضحکہ خیز منظر سے ایک زبردست کامیڈی پیدا ہوتی ہے، جس کا کریڈٹ نصیر اور ستیش کوشک کو جاتا ہے۔

دوستی کے قصے

ستیش کوشک جتنا اپنی فلموں کے لیے جانے جاتے تھے، اتنا ہی وہ اپنی دوستی کے لیے بھی جانے جاتے تھے۔

80 کی دہائی میں جب نینا گپتا نے شادی کیے بغیر لڑکی کو جنم دینے کا فیصلہ کیا اور انھیں معاشرے میں بہت سے مسائل کا سامنا کرنا پڑا تو ان کے قریبی دوست ستیش کوشک نے ان سے شادی کرنے کو کہا۔ نینا نے اپنی سوانح عمری میں یہ بات لکھی ہے۔

انیل کپور، ڈیوڈ دھون اور انوپم کھیر کے ساتھ ان کی دوستی کے قصے مشہور ہیں۔

روپ کی رانی کے فلاپ ہونے کے بعد ستیش کوشک ڈیوڈ دھون کے ساتھ فلم راجہ بابو میں کام کر رہے تھے۔ اس فلم میں جو کردار بعد میں شکتی کپور نے ادا کیا وہ دراصل ستیش نے ادا کیا تھا۔

لیکن ستیش کو لگا کہ ان کے کریئر کے اس موڑ پر یہ کردار ان کی امیج کے لیے اچھا نہیں ہے کیونکہ لوگ سوچیں گے کہ فلاپ فلم کے بعد اب وہ ایسا کردار کر رہے ہیں۔

لیکن ستیش کوشک کے مطابق ڈیوڈ دھون نے ان کی الجھن کو سمجھا اور ساجن چلے سسرال میں شکتی کپور جو کردار کر رہے تھے وہ ستیش کو دیا اور جو کردار ستیش راجہ بابو میں کر رہے تھے وہ شکتی کپور کو دیا۔

اتفاق سے شکتی کپور اور ستیش کوشک دونوں کو فلم فیئر ایوارڈ ملے۔

Getty Imagesآپ کو پپو پیجر کا دماغ سمجھنے میں وقت لگے گا

ان کی فلمیں ہٹ ہوئیں لیکن انھوں نے 'بدھائی ہو بدھائی'، 'ملیں گے ملیں گے' جیسی فلاپ اورسب سے زیادہ حیران کرنے والی فلمقرض کا ریمیک بنایا۔

میں نے ہمیشہ قرض کے ریمیک کے بارے میں سوچا اور ہر بار سوچا کہ میں ان سے انٹرویو میں پوچھوں گی۔ اب ایسا لگتا ہے کہ پوچھنے پر وہ جواب دیتے ’آپ کو پپو پیجر کا دماغ سمجھنے میں وقت لگے گا۔‘

یہاں ستیش کوشک کی فلم بڑے میاں چھوٹے میاں کا ڈائیلاگ بھی یاد آتا ہے جہاں انھوں نے چور بازار میں کام کرنے والے شرافت علی کا کردار ادا کیا اور امیتابھ بچن اور گووندا کو برابر کی ٹکر دی۔

فلم میں شرافت علی کہتے ہیں کہ گذشتہ 9 سالوں میں شرافت علی نے چور بازار میں پیسے نہیں کمائے لیکن انھوں نے شرافت سے بہت عزت کمائی۔

حقیقی زندگی میں بھی ستیش کوشک نے گذشتہ 40 سالوں میں فلم مارکیٹ میں پیسہ کمایا، بہت نام کمایا اور بہت عزت کمائی۔

اجے برہمتماج کہتے ہیں کہ ’ستیش کوشک نے روپ کی رانی اور پریم جیسی فلمیں بنائیں لیکن دیکھو وہ آخر کہاں تک پہنچ گئے۔ سچ یہ ہے کہ ان کا دل کاغذ جیسی فلم پر لگا تھا اور وہ کاغذ ٹو کی تیاری کر رہے تھے۔‘

’آپ میری کمی محسوس کریں گے‘ ستیش کوشک نے شیکھر کپور سے ان کی ناقص انگریزی کی وجہ سے غلطی سے بات کہہ دی ہو گی، لیکن یہ ان کے مداحوں کے لیے سچ ہے۔

ستیش کوشک کے پرستار انھیں آنے والی کچھ فلموں اور ویب شوز میں دیکھ سکتے ہیں جن میں کسی کا بھائی کسی کی جان، پٹنہ شکلا، ایمرجنسی، کاغذ ٹو، گنز این گلابزجیسی فلمیں شامل ہیں۔

ممبئی سے مدھو پال کے ان پٹ کے ساتھ

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More