پشاور: پشاور انسٹی ٹیوٹ آف کارڈیالوجی میں پیڈز کارڈیالوجسٹ نے بچے کا سینہ چاک کیے بغیر دل کا کامیاب آپریشن کردیا۔
اس ضمن میں پشاور انسٹی ٹیوٹ آف کارڈیا لوجی کے ترجمان رفعت انجم نے بتایا ہے کہ پیڈز کارڈیالوجسٹ پروفیسر ڈاکٹر اعجاز نے مریض بچے کے دل کا والو کٹ لگائے بغیر تبدیل کیا۔
واضح رہے کہ مریض بچے کی اس سے قبل اندورون ملک اور پڑوسی ملک بھارت کے اسپتالوں میں تین سرجریز ہو چکی تھیں۔
پیڈز کارڈیالوجسٹ پروفیسر ڈاکٹر اعجاز کے مطابق سرجریز کے بعد مریض بچے کے پھیپھڑوں کو خون دینے والے والو نے کام چھوڑ دیا تھا جب کہ بچے کی اوپن ہارٹ سرجری میں رسک زیادہ تھا۔
پیڈز کارڈیالوجسٹ پروفیسر ڈاکٹر اعجاز نے کہا کہ والو تبدیل کرنے کیلئے اوپن ہارٹ اور کٹ لگائے بغیر سرجری کا آپشن موجود تھا۔