آج کے جدید دور میں جہاں اپنے فیورٹ اسٹارز کے معمولات پر نظر رکھنا آسان ہوچکا ہے وہیں اکثر لائیو سیشنز کے دوران بات چیت کرنا بھی ممکن ہے تاہم کئی بار آپ کی خوشی اس نوجوان کی طرح غارت ہوسکتی جس کو اس کی والدہ نے اداکارہ سے لائیو بات کے دوران تھپڑ جڑ دیا۔
بھارتی اداکارہ اونیت کور انسٹاگرام پر اپنے مداحوں سے براہ راست بات چیت میں مصروف تھیں، اس دوران ایک نوجوان بھرپور جوش میں ادکارہ سے بات چیت میں مصروف تھا،اتنے میں نوجوان کی والدہ آتی ہیں اور نوجوان کو مارنا شروع کردیتی ہیں۔
لڑکے والدہ کو یہ معلوم نہیں تھا کہ ان کا بیٹا کسی اداکارہ سے بات کررہا ہے، وہ یہ سمجھی کہ شاید یہ کسی لڑکی سے گفتگو کررہا ہے۔یہ سارا منظر انسٹاگرام پر لائیو گفتگو کے دوران ایک ویڈیو میں قید ہوا جو سوشل میڈیا کی زینت بنا ہوا ہے۔
یاد رہے کہ مختلف سوشل میڈیا پلیٹ فارمز پر اکثر اسٹارز اپنے مداحوں کیلئے کوئی نہ کوئی ایسی سرگرمی ضرور رکھتے ہیں جس میں مداحوں کو بھی ان سے سوالات یا بات چیت کا موقع مل سکے۔
بھارت کے اس نوجوان نے بھی اپنی فیورٹ ایکٹریس سے بات کرنے کی کوشش کی لیکن اس کی والدہ نے نوجوان کی خوشی خراب کرنے کے ساتھ ساتھ اس کو دنیا بھر میں مذاق کا سبب بھی بنادیا ہے۔