آج ٹیکنالوجی کے دور میں زندگی کے ہر شعبے میں روبوٹس کا کردار بڑھتا جارہا ہے، دنیا کے کئی ممالک میں بیشتر امور روبوٹس سنبھال رہے ہیں تاہم چین میں ایک ریسٹورنٹ میں حال ہی میں ایک ایسی خاتون ویٹریس متعارف کروائی گئی ہے جو بالکل روبوٹ کی طرح لگتی اور برتاؤ کرتی ہے۔
سوشل میڈیا پر وائرل ویڈیو میں نظر آنے والی اینڈرائیڈ ویٹریس مِس کِن نے اپنی روبوٹک حرکات سے ناظرین کو مسحور کر دیتی ہیں، انہوں نے خود کو ایسے بنایا ہے کہ دیکھ کر کوئی بھی شک میں پڑسکتا ہے کہ آیا یہ انسان ہے یا ایک روبوٹ۔
چینی ریسٹورنٹ میں اس انوکھے تجربے سے کچھ صارفین حیران اور کچھ خوفزدہ بھی ہوگئے ،جب شہری ریسٹورنٹ میں داخل ہوئے، تو یہ ویٹریس نے ان کے آرڈر لیے اور انہیں ان کی میزوں کی نشاندہی کرتے ہوئے ان کا استقبال کیا۔ وہاں موجود کئی شہریوں نے اپنے آپ کو تھوڑا سا خوف زدہ پایا۔
انٹرنیٹ پر اس ویٹریس کی ویڈیو کے حوالے سے تبصرے اتنے شدید تھے کہ کئی نیوز چینل کو اصل حقیقت کا پتہ لگانے کیلئے ریسٹورنٹ جانا پڑا لیکن وہاں پہنچ کر انہیں یہ جان کر دھچکا لگا کہ ویٹریس کوئی اور نہیں بلکہ خود ریسٹورنٹ کی مالک ہیں اور پیشے کے لحاظ ڈانسر بھی ہیں۔
یاد رہے کہ آرٹیفیشل انٹیلی جنس کی وجہ سے دنیا کے کئی ممالک میں روبوٹس انسانوں کی جگہ لے چکے ہیں تاہم چین میں ایک انسان کے روبوٹ کی جگہ لینے پر لوگ بہت حیران ہوجاتے ہیں۔