انسداد دہشتگردی عدالت اسلام آباد نے خاور مانیکا تشدد کیس میں پی ٹی آئی وکیل فتح اللّٰہ برکی کی درخواست ضمانت منظور کر لی۔
انسداد دہشتگردی عدالت کے جج طاہر عباس سِپرا نے فتح اللّٰہ برکی کی ضمانت 50 ہزار روپے مچلکوں کے عوض منظور کی۔
وکیل صفائی ریاست علی نے کہا کہ ویڈیو دیکھ لیں ، فتح اللّٰہ برکی اکیلے ہیں، ان پر اقدام قتل کی دفعہ بھی لگا دی، کوئی میڈیکل یا شواہد نہیں۔
نکاح کیس ، عمران خان اور بشریٰ بی بی کی اپیلوں پر اعتراض ختم ، خاور مانیکا سے جواب طلب
وکیل نے کہا کہ خاور مانیکا کے ساتھ پرائیویٹ افراد تھے، پولیس تو موجود ہی نہیں تھی، مقدمہ بھی خاور مانیکا نے نہیں ، پولیس کی مدعیت میں درج کیا گیا۔ دیگر ملزمان کی ضمانت کنفرم ہو گئی، فتح اللّٰہ کو بھی ضمانت دی جائے ، جس پر عدالت نے وکیل کی درخواست ضمانت منظور کر لی۔