کسی بھی بڑے مقابلے سے پہلے اکثر دیکھا جاتا ہے کہ لوگ مختلف طرح سے پیش گوئی کرتے اور کرواتے ہیں کہ آیا یہ مقابلہ کون جیتے گا؟ اور اگر وہ پیشنگوئی ٹھیک ثابت ہوجاتی ہے بہت سے لوگ اس سے متاثر ہوجاتے ہیں۔
اب جیسے کہ اس وقت امریکی صدارتی انتخابات 2024ء کی بہت چرچا ہے سب یہ جاننے کے لیئے بے چین ہیں کہ اگلا صدر کون بنے گا۔
ایسے میں سوشل میڈیا پر امریکی صدارتی الیکشن سے متعلق بڑی پیش گوئی کرنے والے ننھے ہپو 'مو ڈینگ' کی دھوم مچی ہوئی ہے۔
اسی سال پیدا ہونے والے تھائی لینڈ کے ننھے ہپو مو ڈینگ نے آنجہانی گلوکار مائیکل جیکس کی مشہور ’مون واک‘ کر کے سوشل میڈیا صارفین کی توجہ حاصل کر لی تھی، تاہم اب اس ننھے ہپو نے الیکشن سے متعلق اہم پیش گوئی کرتے ہوئے اگلے امریکی صدر کا نام بتا دیا ہے۔
مقامی چڑیا گھر میں اگلے امریکی صدر کا نام جاننے کے حوالے سے ایک سرگرمی کا اہتمام کیا گیا جس میں ہپو کے سامنے 2 تربوز رکھے گئے جن پر ریپبلکن امیدوار ڈونلڈ ٹرمپ اور ڈیموکریٹ پارٹی کی کملا ہیرس کے نام درج تھے۔
اب ننھا ہپو پانی سے نکل کر سیدھا پھلوں کی ٹوکری کی جانب چلا گیا اور اس تربوز کو کھانے لگا جو ریپبلکن لیڈر ڈونلڈ ٹرمپ کے حق میں تھا۔
صارفین کا کہنا ہے کہ ننھے ہپو مو ڈینگ کی پیش گوئی کتنی سچ ثابت ہوتی ہے یہ تو وقت ہی بتائے گا۔