جنوبی کوریا کے صدر نے پارلیمنٹ کی قرارداد کے بعد مارشل لا ءختم کرنے کا اعلان کیا۔
جنوبی کوریا کے صدر کا کہنا تھا کہ کابینہ کا اجلاس جلد بلایا جائے گا، پارلیمنٹ میں ووٹنگ کے بعد مارشل لا کو اٹھایا جائے گا۔
جنوبی کوریا کے صدر نے اپوزیشن پر ریاست مخالف سرگرمیوں کا الزام لگاتے ہوئے مارشل لا کے نفاذ کا اعلان کیا تھا، بعد ازاں پارلیمنٹ نے مارشل کے نفاذ کے خلاف ووٹ دیا تھا۔
جنوبی کوریا کی پارلیمنٹ نے مارشل لاء کو غیر قانونی قراردے دیا
جنوبی کوریا کے 300 کے ایوان میں 190 ارکان نے مارشل لا کے خلاف ووٹ دے کر صدارتی فیصلے کو کالعدم قراردے دیا تھا۔
خبر ایجنسی کے مطابق صدر کے مارشل لا اٹھانے کے اعلان کے بعد جنوبی کوریا میں اپوزیشن کی جانب سے جشن منایا جا رہا ہے۔
یاد رہے جنوبی کوریا کے صدر یون سک یول نے قوم سے خطاب کرتے ہوئے کہا کہ اپوزیشن کی ریاست مخالف سرگرمیوں کے باعث مارشل لا نافذ کیا، شمالی کوریاکی طرف جھکاؤ رکھنے والی اپوزیشن پارلیمنٹ پر قابض تھی۔