زرمبادلہ کے سرکاری ذخائر 15 کروڑ 20 لاکھ ڈالرز کم ہوگئے جس کے بعد زرمبادلہ کے سرکاری ذخائر کی مالیت 11 ارب 9 کروڑ 79 لاکھ ڈالر ہو گئی۔
کمرشل بینکوں کے پاس زرمبادلہ کے ذخائر 4 ارب 83 کروڑ 10 لاکھ ڈالر کی سطح پر آگئے، جبکہ مجموعی ذخائر کی مالیت 15 ارب 92 کروڑ 89 لاکھ ڈالر کی سطح پر آگئی۔
چیمپئنز ٹرافی کی کامیاب میزبانی پر پی سی بی کا شکریہ ادا کرتے ہیں،آئی سی سی
دوسری جانب زیرگردش کرنسی کے حجم میں ہفتہ واربنیادوں پرکمی جبکہ زروسیع میں اضافہ ریکارڈکیا گیا ہے۔
سٹیٹ بینک کی جانب سے جاری اعدادوشمارکے مطابق 28فروری کوختم ہونے والے ہفتہ میں زیرگردش کرنسی کاحجم 9458ارب روپے ریکارڈکیا گیا جوپیوستہ ہفتہ کے مقابلہ میں 0.2فیصد کم ہے۔جاری مالی سال کے آغازسے لیکراب تک زیرگردش کرنسی کے حجم میں مجموعی طورپر3.8فیصداضافہ ہواہے۔
اعدادوشمارکے مطابق 28فروری کوختم ہونے والے ہفتہ زروسیع(ایم ٹو) کاحجم 35756ارب روپے ریکارڈکیاگیا جوپیوستہ ہفتہ کے مقابلہ میں 0.7فیصدزیادہ ہے۔
چینی وزیراعظم اگلے ماہ پاکستان آئینگے،سی پیک منصوبوں پر تبادلہ خیال کیا جائیگا
جاری مالی سال کے آغازسے لیکراب تک زروسیع میں مجموعی طورپر0.4فیصدکااضافہ ہواہے،اسی طرح 28فروری کوختم ہونے والے ہفتہ میں بینکوں کے ڈیپازٹس کاحجم 26234ارب روپے ریکارڈکیا گیا جوپیوستہ ہفتہ کے مقابلہ میں 2فیصدزیادہ ہے،جاری مالی سال کے آغازسے لیکراب تک بینکوں کے ڈیپازٹس میں مجموعی طورپر0.8فیصد کی کمی ہوئی ہے۔