محکمہ تعلیم سندھ نے سرکاری اسکولوں کے طلبا کی آنکھوں کا معائنہ کرانےکا فیصلہ کیا ہے۔
ڈائریکٹر ایجوکیشن کو اسکولوں میں تعاون کی ہدایت کی گئی ہے اور اس حوالے سے تمام اضلاع کو مراسلہ جاری کردیا گیا ہے۔ مراسلےکے مطابق سرکاری اسکولوں میں آنکھوں کے معائنے کے لیے این جی او کو این او سی دے دیا گیا ہے۔
محکمہ تعلیم سندھ کے مطابق تمام اضلاع میں طلبا کی آنکھوں کی اسکریننگ اور عینک کی فراہمی کا فیصلہ کیا گیا ہے۔ چیف ایڈوائزر کریکولم ونگ ڈاکٹر فوزیہ خان کا کہنا ہےکہ موبائل فون کے استعمال سے بچوں کی بینائی متاثر ہوتی ہے، اسکول سربراہان تعاون کو یقینی بنائیں تاکہ بچے بینائی سے محرومی سے بچ سکیں۔