ایک وقت تھا کہ بین الاقوامی کرکٹ ہر کرکٹر کا خواب ہوا کرتی تھی۔ قومی جرسی پہننا، قومی ترانہ گانا، اور اپنے ملک کے لیے میچ جیتنا سب سے بڑا مقصد ہوتا تھا۔لیکن پچھلے عشرے میں کرکٹ میں ایک خاموش انقلاب آ چکا ہے۔ یہ انقلاب نہ صرف ٹیسٹ کرکٹ کے عظیم میدانوں یا دنیائے کرکٹ کے بڑے مقابلوں بلکہ دنیا بھر کی ٹی20 لیگز کے چمکتے دمکتے سٹیڈیمز تک پہنچ گیا ہے۔انڈین پریمیئر لیگ سے لے کر بگ بیش لیگ، پاکستان سپر لیگ، دی ہنڈریڈ، اور ایس اے 20 تک، فرنچائز کرکٹ میں ایک ہلچل مچی ہوئی ہے۔یہ لیگز اب محض اضافی تفریح نہیں رہیں بلکہ عالمی تفریح بن چکی ہیں جو بین الاقوامی کرکٹ کو نئی صورت میں ڈھال رہی ہیں۔قومی فخر سے تجارتی طاقت تکیہ سب پیسے سے شروع ہوا اور صرف آئی پی ایل نے کرکٹ کو اربوں ڈالر کی صنعت میں بدل دیا۔ نوجوان کھلاڑی اچانک خود کو چھ ہفتوں میں اتنا کماتے ہوئے دیکھنے لگے جتنا کچھ سینیئر کھلاڑی پورے سال میں نہیں کماتے تھے۔انڈیا کی بی سی سی آئی، انگلینڈ کی ای سی بی اور جنوبی افریقہ کے سی ایس اے جیسے کرکٹ بورڈز نے اس رجحان کو فوراً اپنایا اور فرنچائز شراکتوں کے ذریعے بڑی آمدنی حاصل کی۔حتیٰ کہ افغانستان جیسے کم معروف ممالک نے بھی اپنی جگہ بنا لی، کیونکہ راشد خان جیسے کھلاڑی عالمی ستارے بن گئے۔صلاحیتوں کی پرورش کے میدانلیکن بات صرف پیسوں کی نہیں تھی۔ نوجوان کھلاڑیوں کے لیے یہ لیگز ایک انمول چیز لے کر آئیں یعنی شہرت۔کہاں ممکن ہے کہ ایک 19 سالہ نیا کھلاڑی، ویرات کوہلی کو گیند کر سکے یا مچل سٹارک کا سامنا کرے، وہ بھی ہر ہفتے پریشر والے میچ میں؟جسپریت بمرا اور راشد خان جیسے کھلاڑی صرف دریافت نہیں ہوئے بلکہ ان سخت مقابلوں میں نکھرے بھی ہیں۔ان کے سیکھنے کی رفتار تیز تھی، مقابلہ سخت، اور شہرت عالمی سطح کی تھی۔شہرت کی نئی شکلان لیگز نے مداح کے کلچر (fandom) کو بھی نئی تعریف دی۔لاکھوں افراد سٹریمنگ ایپس پر میچ دیکھ رہے ہیں اور ہر چھکے اور سٹمپنگ پر سوشل میڈیا پر دھوم مچ جاتی ہے۔کرکٹ اب جدید، تیز اور لطف انگیز محسوس ہوتی ہے۔اس نے نوجوان شائقین کو اپنی طرف کھینچا، خاص طور پر ان ممالک میں جہاں یہ کھیل ابھی ترقی کر رہا ہے جیسے امریکہ جہاں اب اپنی میجر لیگ کرکٹ ایم ایل سی بھی ہے۔روایتی کرکٹ کے لیے چیلنجزتاہم، ساری چمک دمک اور ترقی کے ساتھ، لیگ کرکٹ کئی ایسے چیلنجز لے کر آئی جن کے لیے روایتی کرکٹ تیار نہیں تھی۔قومی ٹیموں نے اپنے اہم کھلاڑی کھونا شروع کر دیے کیونکہ وہ لیگ کی ذمہ داریاں نبھا رہے تھے۔ویسٹ انڈیز اور جنوبی افریقہ اس کی مثالیں بن چکے ہیں۔ وہ جو کبھی خوفناک ٹیمیں تھیں اب اکثر اپنے بہترین کھلاڑیوں کے بغیر کھیلتی ہیں۔ٹیسٹ کرکٹ جو اس کھیل کی روح ہے وہ سب سے زیادہ متاثر ہوئی۔چونکہ نئی نسل چھوٹے فارمیٹس کی طرف جا رہی ہے لہذا پانچ روزہ میچز اپنی اہمیت تقریباً کھو چکے ہیں۔یہاں تک کہ کرکٹ بورڈ بھی اب کم ٹیسٹ میچز رکھتے ہیں تا وقت یہ کہ وہ ورلڈ ٹیسٹ چیمپئن شپ کا حصہ نہ ہوں۔کھلاڑیوں کی وفاداری بدل رہی ہےایک وقت تھا کہ کرکٹ بورڈ سے سینٹرل کنٹریکٹ حاصل کرنا خواب ہوتا تھا۔اب زیادہ سے زیادہ کھلاڑی قومی معاہدوں کے بجائے آزادی کو ترجیح دے رہے ہیں۔نیوزی لینڈ کے ٹرینٹ بولٹ نے عالمی لیگز میں آزادانہ کھیلنے کے لیے اپنا کنٹریکٹ چھوڑ دیا۔اور وہ اکیلے نہیں ہیں۔فرق بڑھ رہا ہے۔امیر بورڈ اس نئے نظام میں ترقی کر رہے ہیں جبکہ غریب بورڈ جیسے زمبابوے اور آئرلینڈ اپنے بہترین کھلاڑیوں کو روکنے اور اہم دوروں کی مالی اعانت کے لیے جدوجہد کر رہے ہیں۔کرکٹ کی نئی حقیقتٹی20 کرکٹ نے کرکٹ کو بدل کر رکھ دیا ہے۔اس نے کھلاڑیوں کی ترقی کو تیز کیا۔ لاکھوں نئے مداح پیدا کیے ہیں اور کھلاڑیوں کو بے پناہ دولت اور شہرت دی ہے۔لیکن ساتھ ہی اس نے بین الاقوامی شیڈول کو کمزور کیا ہے، ٹیسٹ فارمیٹ کو نقصان پہنچایا ہے اور ٹیم کے اتحاد کو توڑا ہے۔کچھ ماہرین خبردار کرتے ہیں کہ کرکٹ اب فٹبال کی راہ پر گامزن ہے جہاں کلب، ملک سے بھی اہم ہو جاتا ہے اور قومی ٹیمیں صرف عالمی ٹورنامنٹس کے دوران جمع ہوتی ہیں۔حالیہ ریٹائرمنٹ انقلاب کی اصل کہانی بیان کرتی ہیں2025 میں کرکٹ کی دو ریٹائرمنٹس شہ سرخیوں میں آئیں۔ وقت کی وجہ سے نہیں بلکہ خود ریٹائرمنٹ کی وجہ سے۔نکولس پورن صرف 29 سال کی عمر میں جون 2025 میں ویسٹ انڈیز کی کرکٹ کو چھوڑ گئے۔اس لیے نہیں کہ وہ اپنے عروج سے گزر چکے تھے بلکہ اس لیے کہ وہ آئی پی ایلم ایس اے 20 اور ایم ایل سی پر توجہ دینا چاہتے تھے۔ان کے پاس پہلے ہی 106 ٹی20 انٹرنیشنل میچز اور 2200 سے زیادہ رنز تھے لیکن لیگز نے انہیں آزادی، استحکام، اور بے تحاشا پیسہ دیا۔ہینرک کلاسن نے 33 سال کی عمر میں جنوبی افریقہ کی قومی ٹیم والی جرسی اتار دی۔اس کا سبب؟ اپنے وقت کو بہتر استعمال کرنا، مسلسل سفر سے بچنا، اور ایسی فرنچائز کرکٹ کھیلنا جس کا وہ خود انتخاب کر سکیں اور اپنے خاندان کے ساتھ زیادہ وقت گزار سکیں۔ان کی کہانیاں اب عام ہوتی جا رہی ہیں اور وہ روایتی کرکٹ اور جدید تبدیلی کے درمیان موجود نازک فرق کو ظاہر کرتی ہیں۔نتیجہ کیا ہوگالیگ کرکٹ صرف ایک فارمیٹ نہیں بلکہ یہ ایک طاقت ہے۔ایسی طاقت جو بیک وقت اس کھیل کو بلند بھی کر رہی ہے اور اس کی جڑوں کو بھی ہلا رہی ہے۔اصل چیلنج یہ ہے کہ تبدیلی کی اس لہر کو روکا نہ جائے بلکہ ایک توازن تلاش کیا جائے۔ ایسا متوازن راستہ جس میں قومی ٹیمیں اور لیگز ساتھ ساتھ پنپ سکیں تاکہ کرکٹ عالمی اور مقامی دونوں سطحوں پر فروغ پاتی رہے۔کیونکہ ، شائقین کو بہر حال دونوں چیزیں چاہییں: لیگ فائنل کی سنسنی خیزی اور ورلڈ کپ جیتنے کا فخر بھی۔