منگھوپیر میں دوسری شادی کرنے والے شخص کی گلا کٹی لاش گھر سے برآمد ہوئی۔
پولیس کے مطابق مائی گاڑی کے قریب گھر سے ملنے والی لاش کو 40 محمد ایوب لاشاری کی حیثیت سے شناخت کیا گیا۔ ضابطے کی کارروائی کے لیے لاش اسپتال منتقل کردی گئی ہے۔
پولیس کا کہنا ہے کہ ایوب لاشاری نے منگھوپیر میں دوسری شادی کی تھی جبکہ پہلی بیوی کو وہ چند روز قبل سسرال چھوڑ کر آیا تھا۔
پولیس نے مزید بتایا کہ ایوب لاشاری کا قتل ذاتی رنجش کا شاخسانہ معلوم ہوتا ہے تاہم مدعیان کی جانب سے ملزمان کے نام دیے گئے ہیں جن کی گرفتاری کے لیے پولیس کوشاں ہے۔