کسٹم حکام کی کاروائی ،چھالیہ اسمگل کرنے کی کوشش ناکام

کسٹمز حکام کے مطابق بلوچستان سے کراچی اور کراچی سے حیدرآباد آنے جانے والے راستوں پر نگرانی کی جارہی تھی ، خفیہ اطلاعات کی بنیاد پر کوئٹہ سے کراچی آنے والی 3 گاڑیوں پر کارروائی کی گئی جس میں ایک ٹرک سے 63 لاکھ روپے مالیت کی 1710 کلو گرام اسمگل شدہ چھالیہ برآمد ہوئی.

تحویل میں لئے گئے دوسرے ڈمپر سے 3900 کلوگرام چھالیہ ملی ، مالیت 8.1 ملین روپے ہے اور تیسری کاروائی میں ٹرک سے 2940 کلوگرام چھالیہ برآمد ہوئی ، مالیت 12.2 ملین روپے تھی ، کسٹمز حکام کا کہنا تھا کہ کارروائی کے دوران ضبط کی گئی غیر قانونی و غیر ملکی چھالیہ کی مجموعی مالیت 26.6 ملین روپے سے زائد ہے۔