قومی بچت اسکیمز میں منافع کی شرح میں ردوبدل کا نوٹیفکیشن سینٹرل ڈائریکٹوریٹ آف نیشنل سیونگز نے جاری کردیا۔
نوٹیفکیشن کے مطابق نئی شرح منافع فوری طور پر نافذالعمل ہوگئی ہے جس کے تحت شارٹ ٹرم سیونگز اکاؤنٹس پر شرح منافع 10.06 فیصد سے بڑھا کر 10.42 فیصد کردیا گیا ہے۔
اسی طرح سروا اسلامک سیونگ اکاؤنٹ اور سروا اسلامک ٹرم اکاؤنٹ پر سالانہ شرح منافع 9.50 فیصد سے بڑھا کر 9.92 فیصد کر دی گئی ہے۔
دوسری جانب ڈیفنس سیونگز سرٹیفکیٹس پر منافع کی شرح میں 12 بیس پوائنٹس کمی کی گئی ہے جس کے بعد منافع 11.54 فیصد سے کم ہو کر 11.42 فیصد ہوگیا ہے۔