بلوچستان میں غیرمقامی ماہی گیروں کے شکار پر پابندی کے خلاف کراچی کے ماہی گیر سراپا احتجاج ہیں۔ 24 گھنٹے سے زائد وقت سے کراچی بندرگاہ پر جہازوں کی آمدورفت رک گئی ہے جبکہ ماہی گیر اب احتجاج کو بڑھاتے ہوئے کراچی کی اہم شاہراہیں بند کرنے کی تیاری کررہے ہیں۔
میڈیا رپورٹس کے مطابق کراچی فشرمین کوپرآیٹو سوسائٹی میں ماہی گیروں کی بڑی تعداد جمع ہے۔ جنکی جانب سے ناردرن بائی پاس کا آئی سی آئی چوک ، نیٹی جیٹی پل اور فش ہاربر کے راستے بند کئے جانے کا امکان ہے
۔
واضح رہے کہ ماہی گیروں کے احتجاج کی وجہ سے کراچی میں بندرگاہ گزشتہ روز سے بند ہے۔ کے پی ٹی پر چینل بند ہونے سے پورٹ پرجہازوں کی آمدورفت مکمل رک گئی ہے جس کے باعث پورٹ پر لنگر انداز ہونےکیلئے جہازچینل کے اندر داخل ہونے کے منتظر ہیں۔
وزیراعظم کے مشیر برائے جہاز رانی و بندرگاہ محمود مولوی سے ماہی گیروں کے مذاکرات ناکام ہوگئے، ماہی گیروں اور وزیراعظم کے مشیر کے درمیان آج مذاکرات کا دوسرا دور ہوگا