سندھ حکومت کاٹن جنرز کے نمائیندوں کے ساتھ ہے،مرتضی وہاب

بول نیوز  |  Sep 20, 2020

سندھ حکومت کے ترجمان مشیر  قانون ، ماحولیات و ساحلی ترقی بیرسٹر مرتضی وہاب نے کہا ہے کہ سندھ حکومت کاٹن جنرز کے نمائیندوں کے ساتھ ہے۔

تفصیلات کے مطابق سندھ حکومت کے ترجمان مشیر  قانون ، ماحولیات و ساحلی ترقی بیرسٹر مرتضی وہاب نے مقامی ہوٹل میں پاکستان جنرز گروپ کی تقریب میں شرکاء سے خطاب کرتے ہوئے کہا کہ کراچی سمیت سندھ کے دیگر اضلاع میں بارشوں اور سیلاب میں جو نقصانات اور تباہی ہوئی وفاق نے اب تک کوئی زمہ داری نہیں نبھائی۔

سندھ حکومت کے ترجمان نے کہا کہ2010 کے سیلاب میں سابق صدر آصف علی زرداری اور پیپلزپارٹی کی وفاقی حکومت نے مدد کی اسی طرح آج بھی ضرورت ہے۔

مرتضی وہاب نے یہ بھی کہا کہ سندھ حکومت اپنے جنرز بھائیوں کے ساتھ بھرپور تعاون کریگی جبکہ کاٹن انڈسٹریز کے جو بھی اشوز درپیش ہیں سندھ حکومت ان کو ختم کرنے میں مدد کریگی۔

سندھ حکومت کے ترجمان مشیر  قانون ، ماحولیات و ساحلی ترقی بیرسٹر مرتضی وہاب نے مزید کہا کہ آج اے پی سی میں بھی پاکستان پیپلزپارٹی نے بھی اپنا موقف واضع کیا جبکہ پیپلز پارٹی ماضی میں بھی عوام کی خدمت کی اور آج بھی خدمت پر یقین رکھتی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More