آرمینیا اور آذربائیجان کا تیسری مرتبہ جنگ بندی پر اتفاق

سچ ٹی وی  |  Oct 26, 2020

آرمینیا اور آذربائیجان نے ایک ماہ میں تیسری مرتبہ جنگ بندی پر اتفاق کر لیا۔ادھر آذربائیجان کے وزیر دفاع نے آرمینیا پر نئے جنگ بندی معاہدے کی خلاف ورزی کا الزام کر دیا۔

امن کی شمع روشن ہو گئی، آرمینیا اور آزربائیجان جنگ بندی پر متفق ہو گئے، امریکا کی کوششوں سے دونوں ممالک نے ناگورنو قرہ باخ میں عارضی جنگ بندی کا اعلان کر دیا، دونوں ممالک کے درمیان باضابطہ مذاکرات کے امکانات نظر آنے لگے۔

امریکی وزارتِ خارجہ کے مطابق یہ معاہدہ طویل مذاکرات کے بعد طے پایا جبکہ جنگ بندی کا آغاز آج صبح سے ہو گیا۔

امریکی صدر ٹرمپ نے جنگ بندی معاہدے پرتمام فریقوں کو مبارک باد پیش کی، جبکہ یورپی ادارے جمعرات کو ہونے والے اجلاس میں خطے میں اس کشیدگی پر بحث کریں گے۔

اس سے قبل دونوں ممالک کے وزرا خارجہ نے واشنگٹن میں امریکی وزیرِ خارجہ مائیک پومپیو سے ملاقاتیں کی تھیں،،رواں ماہ میں ایسے ہی دو اور معاہدے بھی کیے گئے تھے تاہم بعد میں دونوں ممالک کی جانب سے ان کی خلاف ورزی کی گئی تھی۔۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More