پشاور بی آر ٹی بس گدھا گاڑی سے ٹکرا گئی 

نیو  |  Oct 30, 2020

پشاور  میں بی آر ٹی بس گدھا گاڑی سے ٹکرا گئی ۔ 

تفصیلات کے مطابق بی آر ٹی بس کا یہ  حادثہ حیات آباد فور فیڈرروٹ پر پیش آیا ۔ 

ترجمان ٹرانس پشاور کا کہناہے کہ گدھا گاڑی اچانک بی آر ٹی بس کے سامنے آگئی ، بس عملہ اور مسافر محفوظ رہے ۔ 

قبل ازیں بی آر ٹی بس 38 روز آرام کے بعد آج پھر خراب ہوگئی تھی ۔ بی آرٹی بس حیات آباد کے قریب خراب ہوئی تاہم جلد ہی اسے ٹھیک کرلیاگیا ۔ 

ترجمان بی آر ٹی کا کہناتھاکہ کہ بس میں کلچ کا معمولی مسئلہ آیا تھا جس کی وجہ سے بس چلنا بند ہوگئی تھی ۔ تاہم بس میں تکنیکی خرابی کو فوری طور پر دور کرلیا گیا ۔ ترجمان کا کہناتھاکہ ایسے واقعات گاڑیوں میں ہونا معمول ہے یہ کوئی تشویش کی بات نہیں ہے ۔ 

واضح رہے کہ بی آر ٹی بس سروس 38 روز بعد خرابی سے ایک روز قبل ہی بحال کی گئی تھی ۔ ترجمان بی آر ٹی محمد عمیر خان کا کہناتھاکہ بی آرٹی بس سروس بحالی کے بعد اب صبح چھ بجے سے رات دس بجے تک چلے گی ۔ جبکہ مرکزی رہداری پر ایکسپریس روٹ بھی بحال کردیاگیاہے ۔ 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More