مشیرتجارت کی ٹریڈ ڈویلپمنٹ اتھارٹی کو سروسز کی ایکسپورٹ پروموشن کی ہدایت

بول نیوز  |  Jan 22, 2021

مشیرتجارت نے ٹریڈ ڈویلپمنٹ اتھارٹی کو سروسزکی ایکسپورٹ پروموشن کی ہدایت کردی ہے۔

تفصیلات کے مطابق مشیر تجارت کی سربراہی میں وزارت تجارت میں اجلاس ہوا ہے جس میں سروسز ایکسپورٹ میں اضافے کیلئے نئی مارکیٹس تلاش کی جانیکی ضرورت کا اظہار کرتے ہوئے ٹریڈ ڈویلپمنٹ اتھارٹی کو سروسزکی ایکسپورٹ پروموشن کی ہدایت کردی ہے۔

انہوں نے کہا ہے کہ سروسز روزمرہ کی زندگی میں اہم کردار ادا کرتی ہیں تاہم سروسز سیکٹر میں ٹریڈ بیلنس قابل اطمنان ہے۔

انہون نے مزید کہا کہ انٹرنیشنل ٹریڈنگ سسٹم میں سروسز ممالک کو جوڑتی ہیں،جس سے سپلائی چین اور ای کامرس کوسہولت ملتی ہے۔

اجلاس کے دوران بتایا گیا ہے کہ جولائی سے دسمبر 2020کے دوران پاکستان کی سروسز میں ایکسپورٹ 2.84 ارب ڈالر رہیں جبکہ گزشتہ سال سروسز میں اسی عرصے کے دوران ایکسپورٹ 2.83 ارب ڈالر تھی اور اب سروسز درآمدات میں 15.7 فیصد کمی آئی۔

مزید بتایا گیا ہے کہ انشورنس اور پنشن سروسز میں 21 فیصد اضافہ ہوا جبکہ ٹیلی کام سروسز میں اضافہ ہوا اور ٹریول اور ٹرانسپورٹ سروسز کی ایکسپورٹ متاثر ہوئی اور ان میں بالترتیب 28 اور 18 فیصد کمی آئی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More