وزیرستان:پاک فوج کابڑاآپریشن،انتہائی مطلوب جنگجونورستان ہلاک

سماء نیوز  |  Feb 26, 2021

فائل فوٹو

جنوبی وزیر ستان میں سیکیورٹی فورسز کے آپریشن میں کالعدم تحریک طالبان پاکستان کے اہم جنگجو نورستان عرف حسن بابا کو ہلاک کردیا۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے طیارزہ میں سیکیورٹی فورسز نے بڑا آپریشن کرتے ہوئے کالعدم تحریک طالبان کے اہم جنگجو نورستان عرف حسن بابا کو ہلاک کردیا۔

ترجمان کے مطابق آپریشن خفیہ اطلاعات پر کیا گیا۔ ہلاک دہشت گرد سال 2007سے سیکورٹی فوسز کے 50 سے زائد اہلکاروں کو شہید کرنے میں ملوث رہا تھا۔ انتہائی مطلوب دہشت گرد آئی ای ڈی کا ماہر بھی تھا۔

دہشت گرد نورستان نے ٹی ٹی پی بیت اللہ محسود میں سال 2007 میں شمولیت اختیار کی۔ نورستان نے درجنوں دہشت گردی کی وارداتیں کیں، جب کہ کئی خودکش حملوں کا ماسٹر مائنڈ بھی تھا۔

پاک فوج کے مطابق ہلاک جنگجو نے سال 2009 میں شکئی کیمپ پر راکٹوں سے حملہ کیا۔ حملے میں فورسز کے 7 جوان شہید ہوئے تھے۔ سال 2009 میں ہی دہشت گرد کے بارودی سرنگ کے حملے میں 5 فوجی جوان شہید ہوئے تھے۔

کالعدم تحریک طالبان پاکستان کی جانب سے اسے سال 2016 میں خیسور کا جنگجو مقرر کیا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More