سندھ:کروناکی نئی خطرناک قسم،ویکسینیڈافرادکوبوسٹرلگانےکافیصلہ

سماء نیوز  |  Nov 28, 2021

فائل فوٹو

سیکریٹری صحت سندھ ذوالفقارعلی شاہ کا کہنا ہے کہ صوبے میں ویکسینیشن کرنے والے تمام افراد بطور بوسٹر فائزر ویکسین لگواسکیں گے، جس کا حتمی طور پر فیصلہ کرلیا گیا ہے۔

محکمہ صحت سندھ نے کرونا کی نئی لہر سے بچاؤ کے لئے اہم فیصلہ کرتے ہوئے اب تمام ویکسینیٹڈ افراد کو بطور بوسٹر فائزر ویکسین بھی لگوانے کا اعلان کیا ہے، تاہم بوسٹر ڈوز لگانے کی کوئی فیس نہیں لی جائے گی۔

سیکریٹری صحت سندھ ذوالفقارعلی شاہ کے مطابق آئندہ دو سے تین دنوں میں نوٹی فکیشن بھی جاری ہو جائے گا، فیصلہ کرونا کی نئی لہر سے حفاظتی تدابیر کے طور پر لیا گیا ہے۔

سیکریٹری صحت کا کہنا تھا کہ کوئی سی بھی ویکسینیشن کے دو ڈوز مکمل ہونے کے بعد شہری بطور بوسٹر فائزر ویکسین لگواسکیں گے۔ فائزر ویکسین کو بطور بوسٹر پہلے بھی استعمال کیا جاچکا ہے۔

ائیرپورٹ پر ویکسینیشن کے حوالے سے فیصلہ وفاقی حکومت کرے گی۔ اس وقت بوسٹر ڈوز صرف جناح اسپتال اور ڈاؤ اوجھا اسپتال میں دستیاب ہے، کوشش ہے کہ بوسٹر ڈوز کا دائرہ پورے سندھ تک پھیلایا جائے، بوسٹر ڈوز لگانے کی کوئی فیس نہیں لی جائے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More