سندھ میں گزشتہ 24 گھنٹوں کے دوران ڈینگی کے 61 کیسز رپورٹ

بول نیوز  |  Dec 01, 2021

سندھ میں گزشتہ 24 گھنٹوں کے دوران ڈینگی کے 61 کیسز رپورٹ ہوئے ہیں۔

محکمہ صحت سند کے مطابق کراچی میں گزشتہ 24 گھنٹوں میں ڈینگی کے 33 کیسز رپورٹ ہوئے ہیں، گزشتہ 24 گھنٹوں میں حیدرآباد میں 23، تھر پارکر میں 2، عمر کوٹ میں 3 کیس رپورٹ ہوئے ہیں۔

محکمہ صحت سند کا کہنا ہے کہ سندھ میں نومبر کے مہینے میں ڈینگی کے 1865 کیسز رپورٹ ہوچکے ہیں، نومبر کے ماہ میں کراچی ضلع شرقی سے 327، ضلع وسطی سے 304، ضلع کورنگی سے 247، ضلع جنوبی سے 166، ضلع ملیر سے 94 اور ضلع غربی سے 95 کیسز رپورٹ ہوچکے ہیں۔

محکمہ صحت سندھ نے بتایا کہ رواں سال سندھ میں جنوری تا اکتوبر ڈینگی کے 3840 کیس رپورٹ ہوئے تھے، سندھ بھر میں رواں سال ڈینگی کے اب تک 5705 کیسز رپورٹ ہوچکے ہیں، رواں سال مارچ میں 1، مئی اور جون میں 1،1 اگست میں 3، ستمبر میں 7، اکتوبر میں 6 اور نومبر میں 4 اموات رپورٹ ہوئیں۔

محکمہ صحت سندھ کے مطابق سندھ بھر میں ڈینگی کے باعث اب تک 23 افراد جاں بحق ہوچکے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More