فیصل قریشی کی چھوٹی عمر کی اداکاراؤں کے ساتھ کام کرنے میں دلچسپی کیوں؟

بول نیوز  |  Dec 07, 2021

پاکستان شوبز انڈسٹری کے معروف اداکار اور میزبان فیصل قریشی نے چھوٹی عمر کی ساتھی اداکاراؤں کے ساتھ کام کرنے کی اصل وجہ بتا دی ہے۔

حال ہی میں دیے جانے والے انٹرویو میں اداکار اور میزبان فیصل قریشی نے بتایا کہ انٹرٹینمنٹ انڈسٹری اب ایک ایسے دور میں داخل ہوگئی ہے جہاں اداکاروں کے درمیان عمر کا فرق بھی ایک مسئلہ بن گیا ہے۔

فیصل قریشی کہا کہ ان کے ساتھ اداکاری کی دنیا میں قدم رکھنے والی بہت سی اداکاراؤں نے شادی کرلی ہے اوراب وہ اپنے بچوں کی پرورش میں وقت لگا رہی ہیں۔

اداکار نے بتایا کہ وہ حال ہی میں سنیتا مارشل کے ساتھ کام کر رہے تھے تو انہوں نے ہمیشہ سنیتاکوسیٹ پر اپنے بچوں کے بارے میں فکر مند پایا۔

جبکہ جب وہ شائستہ لودھی کے ساتھ کام کررہے تھے، توانہیں بھی اپنے کام پر توجہ مرکوز کرنے میں دشواری کا سامنا تھا کیونکہ ان کے ذہن میں بھی ہمیشہ اپنے بچوں کا خیال رہتا تھا۔

اداکار نے بتایا کہ انہوں نے سویرہ ندیم کے ساتھ بھی کام کیا۔ وہ کیمرے کے سامنے ہوتے ہوئے بھی اپنے بچوں پر نظر رکھتیں اور اپنے بچوں کی آیا کو فون پر ان کے بارے میں ہدایات بھی دیتیں۔

انہوں نے مزید کہا کہ لڑکیوں کے لیے یہ ہمیشہ مشکل ہوتا ہے کیونکہ ان پر گھر کی ذمہ داریاں زیادہ ہوتی ہیں۔

فیصل قریشی نے کہا کہ ہم سمجھتے ہیں کہ ہم گھر چلاتے ہیں لیکن دراصل یہ کام خواتین کرتی ہیں، وہ بیک وقت گھر اور کام کر سکتی ہیں۔

انٹرویو کے اختتام میں اداکار فیصل قریشی نے پاکستان شوبز انڈسٹری کی اداکارہ اقراءعزیز کے حوالے سے کہا کہ کبیر کی پیدائش ہوئی ہے تب سے اداکارہ کام سے پیچھے ہٹ گئی ہیں کیونکہ وہ اپنے بچے کی پرورش پر کوئی سمجھوتہ نہیں کرنا چاہتیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More