فہد مصطفی فلم قائد اعظم زندہ باد کے بعد سندھ پولیس میں بھی انسپکٹر بن گئے

ہم نیوز  |  Aug 14, 2022

کراچی: فلم و ٹی وی کے ممتاز اداکار فہد مصطفی فلم قائد اعظم زندہ باد کے بعد اب سندھ پولیس میں بھی انسپکٹر بن گئے ہیں۔

ہم نیوز کے مطابق معروف اداکار فہد مصطفیٰ کو سندھ پولیس میں انسپکٹر کا عہدہ اعزازی طور پر دیا گیا ہے۔

پاکستان کے 75 ویں جشن آزادی کے موقع پر آئی جی سندھ غلام نبی میمن نے اداکار فہد مصطفیٰ کو پولیس میں اعزازی عہدہ اور فورس کی یونیفارم دی۔

ہم نیوز کے مطابق ممتاز اداکار فہد مصطفیٰ کو اعزازی طور پر سندھ پولیس میں عہدہ اور یونیفارم دیے جانے کے حوالے سے سی سی پی او آفس میں تقریب منعقد ہوئی۔

واضح رہے کہ فلم قائد اعظم زندہ باد بڑی عید پر ریلیز ہوئی تھی اور اب تک وہ 50 کروڑ روپے سے زائد کا بزنس کرچکی ہے۔

فہد مصطفیٰ کو 5ہزار کا خاص نوٹ مل گیا

فلم و ٹی وی کے معروف اداکار فہد مصطفیٰ نے قائد اعظم زندہ باد میں انسپکٹر گلاب کا کردار ادا کیا ہے جسے فلم بینوں کی جانب سے بے پناہ سراہا جا رہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More