ہمارے ساتھ رہنا ہے تو پنجاب اسمبلی توڑنی پڑے گی، فواد چودھری

ہم نیوز  |  Dec 09, 2022

رہنما تحریک انصاف فواد چودھری نے ق لیگ کو خبردار کیا ہے کہ ہمارے ساتھ رہنا ہے تو پنجاب اسمبلی توڑنی پڑے گی۔

لاہور میں میڈیا سے گفتگو کرتے ہوئے فواد چودھری نے کہا کہ ق لیگ نے تحریک انصاف کے ساتھ چلنا ہے تو پنجاب اسمبلی توڑنی پڑے گی، ق لیگ کو پیغام پہنچا دیا ہے کہ تحریک انصاف اسمبلی تحلیل کرنا چاہتی ہے۔ ق لیگ نے دیکھنا ہے الیکشن میں پی ٹی آئی کے اتحاد کے ساتھ جانا ہے یا اتحاد کے بغیر۔

انہوں نے کہا وفاقی حکومت نہ مانی تو پنجاب اور خیبرپختونخوا میں الیکشن کرا دیں گے، پنجاب اور خیبرپختونخوا میں تحریک انصاف کی حکومتوں کے ساتھ عام انتخابات میں گئے تو پی ڈی ایم کو امیدوار بھی نہیں ملیں گے۔

یہ بھی پڑھیں: 

دوسری جانب رہنما ق لیگ چودھری مونس الہیٰ نے کہا کہ پنجاب حکومت عمران خان کی امانت ہے، جب چاہیں واپس لے لیں، وضع دار لوگ ہیں جس کے ساتھ چلیں اس کا ساتھ نبھاتے ہیں۔ ہر موقع پر عمران خان کا ساتھ دیں گے۔ اپوزیشن عمران خان کو دیکھ کر کانپ رہی ہے۔

وفاقی حکومت خوفزدہ ہے کہ عمران خان اب کیا کرنے والے ہیں، ن لیگ کا پنجاب میں حکومت بنانے کا خواب ادھورا ہی رہے گا۔ مونس الہیٰ کی،، سابق گورنرسندھ عمران اسماعیل اور عامرکیانی سے ملاقات ہوئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More