دھونی کی چنئی سپر کنگز پانچویں مرتبہ آئی پی ایل کی فاتح

اردو نیوز  |  May 30, 2023

آئی پی ایل کے فائنل میں چنئی سپر کنگز نے دفاعی چیمپیئنز گجرات ٹائٹنز کو پانچ وکٹوں سے شکست دے کر آئی پی ایل کا پانچواں فائنل اپنے نام کر لیا۔

گجرات ٹائٹنز نے میچ جیتنے کے لیے چنئی سپر کنگز کو 215 رنز کا ہدف دیا تھا۔ تاہم بارش کے باعث میچ روک دیا گیا تھا جس کے بعد ڈک ورتھ لوئس میتھڈ کے تحت چنئی سپر کنگز نے 15 اوورز میں 171 رنز بنانے تھے جو اس نے دلچسپ مقابلے کے بعد آخری اوور کی آخری گیند پر پورے کر لیے۔

چنئی سپر کنگز نے ہدف کے تعاقب میں اننگز کا آغاز کیا تو اس کی پہلی وکٹ 74 رنز پر اس وقت گری جب رتوراج 26 رنز بنانے کے بعد نور احمد کی گیند پر کیچ آؤٹ ہو گئے۔ ان کے بعد ڈیون کونوے بھی 47 رنز بنا کر نور احمد کی گیند پر کیچ تھما بیٹھے۔

@sais_1509 on song

Can he finish on a high for @gujarat_titans?

Follow the match https://t.co/WsYLvLrRhp#TATAIPL | #Final | #CSKvGT pic.twitter.com/z7qL4Dav1w

— IndianPremierLeague (@IPL) May 29, 2023

اجینکیا ریحانے 26 رنز بنانے کے بعد موہت شرما کی گیند پر پویلین لوٹ گئے۔ اس کے بعد چنئی کنگز کی یکے بعد دیگرے دو کٹیں گر گئیں۔ امباتی ریودو بھی 19 رنز بنانے کے بعد موہت شرما کا شکار بنے، جبکہ کپتان ایم ایس دھونی صفر پر موہت شرما کی گیند پر کیچ آؤٹ ہوئے۔

پیر کے روز احمد آباد میں دونوں ٹیموں کے مابین میچ میں چنئی سپر کنگز نے ٹاس جیت کر پہلے بولنگ کا فیصلہ کیا۔ 

گجرات ٹائٹنز نے پہلے بیٹنگ کرتے ہوئے مقررہ اوورز میں چار وکٹوں کے نقصان پر 214 رنز بنائے۔

گجرات ٹائٹنز کی جانب سے سائی سُودرشن نے 47 گیندوں پر 97 رنز کی اننگز کھیلی جبکہ رِدھیمان ساہا نے 54 اور شبھمن گِل نے 39 رنز سکور کیے۔

چنئی سپر کنگز کی طرف سے بولنگ کرتے ہوئے متھیشا پتھیرانا نے دو جبکہ دیپک چہر اور رویندرا جڈیجہ نے ایک ایک وکٹ حاصل کی۔

Lightning fast MSD!

How about that for a glovework

Big breakthrough for @ChennaiIPL as @imjadeja strikes! #GT lose Shubman Gill.

Follow the match https://t.co/WsYLvLrRhp #TATAIPL | #Final | #CSKvGT | @msdhoni pic.twitter.com/iaaPHQFNsy

— IndianPremierLeague (@IPL) May 29, 2023

خیال رہے کہ آئی پی ایل فائنل اتوار کے روز شیڈول تھا، تاہم بارش کے باعث اسے ریزرو ڈے یعنی پیر کے روز کھیلا گیا۔

اگر بارش کے باعث میچ بغیر کسی نتیجے کے ختم ہو جاتا تو اس صورت میں گروپ راؤنڈ میں زیادہ پوائنٹس ہونے کے باعث گجرات ٹائٹنز کو فاتح قرار دیا جاتا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More