چینی مشروب ساز کمپنی ہانگزو واہاہا گروپ کے بانی انتقال کرگئے

بیجنگ۔25فروری (اے پی پی):چین میں کھانے اور مشروبات کی ایک بڑی کمپنی ہانگزو واہاہا گروپ کے بانی زونگ چنگہو اتوار کی صبح 79 سال کی عمر میں انتقال کر گئے۔چینی خبررساں ادارے کے مطابق ہانگزو واہاہا گروپ نے اپنے سوشل میڈیا اکاؤنٹ پر جاری ایک بیان میں بتایا کہ زونگ چنگہو علالت کے باعث ایک نجی ہسپتال میں زیر علاج تھے جہاں ان کا انتقال ہوگیا ہے تاہم انہوں نے بیماری کی کوئی تفصیلات نہیں بتائیں۔

واضح رہے کہ زونگ چنگہو کو طویل عرصے سے چینی کاروباری تاریخ میں اہم شخصیات میں سے ایک سمجھا جاتا رہا ہے انہوں نے 1987میں مشروبات کی کمپنی واہا کی بنیاد رکھی تھی ، فوربس میگزین نے 2010 میں زونگ کو8 بلین ڈالر کی دولت کے ساتھ چین کے امیر ترین شخص کے طور پر درج کیا تھا۔