بھارتی کرکٹ ٹیم کے کپتان روہت شرما نے بھی ٹی 20 انٹرنیشنل سے ریٹائرمنٹ کا اعلان کر دیا۔
ٹی 20 ورلڈ کپ کے فائنل میں کامیابی کے بعد بھارتی کرکٹ ٹیم کے کپتان روہت شرما نے ٹی 20 انٹرنیشنل سے ریٹائرمنٹ کا اعلان کیا۔
روہت شرما نے فائنل میں کامیابی کے بعد گفتگو کرتے ہوئے کہا کہ ورلڈ کپ جیتنے کے لیے بھرپور محنت کی اور کھلاڑیوں نے بہترین طریقے سے اپنا کھیل پیش کیا۔
ان کا کہنا تھا کہ ہماری آج باؤلنگ بھی شاندار رہی ہے اور پورے ورلڈ کپ میں ہر میچ جیتنے کے لیے سب نے کوشش کی۔
یہ بھی پڑھیں: بھارت دوسری بار ٹی 20ورلڈ کپ چیمپئن بن گیا
اس سے قبل بھارتی ٹیم کے مایہ ناز بیٹر ویرات کوہلی نے بھی ٹی 20 ورلڈ کپ میں کامیابی کے بعد ریٹائرمنٹ کا اعلان کیا تھا۔
59 بالز پر 76 رنز کی شاندار اننگز کھیلنے پر ویرات کوہلی کو مین آف دی میچ ایوارڈ دیا گیا۔ اس موقع پر گفتگو کرتے ہوئے ان کا کہنا تھا کہ یہ میرا آخری ٹی 20 ورلڈ کپ تھا اور یہ وہی ہے جو ہم حاصل کرنا چاہتے تھے۔