وزارت خارجہ کی جانب سے دستاویزات کی تصدیق کیلئےپیشگی اپوائنٹمنٹ کی شرط ختم کر دی گئی۔
وزارت خارجہ نے جاری نوٹ میں کہا ہےکہ تعلیمی اسناد،قانونی دستاویزات اورکمرشل دستاویزات کیلئےاب اپوائنٹمنٹ کی ضرورت نہیں،یہ دستاویزات وفاقی دارالحکومت سمیت لاہور اور کراچی میں قائم مراکز سے بھی تصدیق کرائی جا سکیں گی۔
پاکستان فلور ملز ایسوسی ایشن کا 11 جولائی سے آٹے کی سپلائی بند کرنے کا اعلان
وزارت خارجہ کی جانب سے دستاویزات کی تصدیق کیلئے نیا نرخ نامہ بھی جاری کر دیا گیاہے۔ جس کے مطابق اب بھی ذاتی اور تعلیمی اسناد کی فی دستاویز کی تصدیق 3 ہزار روپے میں ہو گی، قانونی دستاویزات 4500 اور کمرشل دستاویزات 12ہزار روپے میں تصدیق کی جائیں گی۔
دفتر خارجہ کے مطابق پیر سے وزات خارجہ میں اسناد کی تصدیق کا عمل دوبارہ کھولا جا رہا ہے، تعلیمی اسناد، قانونی اور کمرشل دستاویزات کی تصدیق شروع کی جائے گی۔ اب شہری دستاویز کی تصدیق کیلئےوزارت خارجہ کے واک ان طریقہ کار سے استفادہ کر سکتے ہیں۔