وفاقی وزیرداخلہ محسن نقوی نےپی ٹی آئی جلسے کے شرکاء اور اسلام آباد پولیس کے درمیان تصادم پر فوری نوٹس لے لیا۔
محسن نقوی نے معاملے پر آئی جی اسلام آباد علی ناصر رضوی سے رپورٹ طلب کر لی۔ وزیرداخلہ نے پی ٹی آئی کارکنان کے پتھراؤ سے زخمی ہونے والے ایس ایس پی سے ٹیلی فونک رابطہ کیا اور ان کی خیریت دریافت کی۔
جلسہ غیر قانونی قرار، پی ٹی آئی کارکنوں، پولیس کے درمیان تصادم، ایف سی طلب
محسن نقوی نے حکم جاری کیا کہ زخمی پولیس اہلکاروں کو علاج معالجے کی بہترین سہولتیں فراہم کی جائیں۔