ملک کے بیشترعلاقے شدید دھند کی لپیٹ میں آ گئے، مختلف مقامات سے موٹرویز کو ٹریفک کیلئے بند کردیا گیا۔
ترجمان موٹروے پولیس کے مطابق ملک کے مختلف مقامات پر شدید دھند کے باعث موٹروے ایم 2 کو لاہور سے خانقاہ ڈوگراں تک اورموٹروے ایم 3 کو لاہور سے درخانہ تک ٹریفک کیلئے بند کردیا گیا۔
ملک میں شدید دھند، کئی مقامات سے موٹرویز بند
موٹروے ایم 4 کو گوجرہ سے ملتان جبکہ موٹروے ایم 5 کو ملتان سے روہڑی تک دھند کے باعث ٹریفک کیلئے بند کردیا گیا ہے۔
شدید دھند کے باعث لاہور سیالکوٹ موٹروے ایم 11 کو بھی ٹریفک کیلئے بند کردیا گیا، معلومات اورمدد کیلئے ہیلپ لائن 130 سے رابطہ کریں۔
سردی کی شدت برقرار، چند مقامات پر بارش کی پیشگوئی
موٹرویزکوعوام کی حفاظت اورمحفوظ سفر یقینی بنانے کیلئے بند کیا جاتا ہے، شہری زیادہ سے زیادہ دن کے اوقات سفر کریں۔
ترجمان نے مزید بتایا کہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، ڈرائیورز فوگ لائٹس کا استعمال کریں۔