پاکستانی شوبز کی سینئر اداکارہ صبا فیصل نے حال ہی میں اپنے نومولود پوتے کے ساتھ محبت بھری تصویریں سوشل میڈیا پر شیئر کی ہیں، جنہوں نے مداحوں کے دلوں کو چھو لیا۔
اداکارہ نے انسٹاگرام اسٹوری پر ان تصاویر کو شیئر کرتے ہوئے اپنے پوتے کے لیے بے پناہ محبت کا اظہار کیا ہے۔ انہوں نے کیپشن میں لکھا: "صدقے، واری، قربان، دادو کی زندگی۔"
یاد رہے کہ صبا فیصل دو دن قبل اپنے تیسرے پوتے کی خوشخبری سوشل میڈیا پر شیئر کر چکی ہیں۔ انہوں نے اپنے چھوٹے بیٹے ارسلان اور بہو نیشا کے ہاں بیٹے کی ولادت کا اعلان فوٹو شیئرنگ پلیٹ فارم انسٹاگرام پر کیا تھا۔
انہوں نے اپنے پیغام میں لکھا: "آج، ماشاء اللہ، میں اور فیصل ایک بار پھر دادا دادی بن گئے۔"
اداکارہ نے ننھے مہمان کا نام بھی بتایا اور مداحوں سے دعاؤں کی درخواست کی: "ارسلان، نیشا، اور ہمارے پیارے محمد حذیفہ ارسلان کو اپنی دعاؤں میں یاد رکھیں۔"