میں بچوں کو بہت یاد کرتا ہوں ۔۔ کیا فردین خان کی بھی طلاق ہوگئی ہے؟ اداکار کا ردعمل سامنے آگیا

بالی ووڈ اداکار فردین خان نے ایک انٹرویو میں کہا کہ وہ اپنے بچوں کو بہت مس کرتے ہیں۔

بھارتی لیجنڈری اداکار و پروڈیوسر فیروز خان کے بیٹے 50 سالہ فردین خان کی ان دنوں طلاق سے متعلق خبریں سوشل میڈیا پر گردش کر رہی ہیں۔

انھوں نے بھارتی میڈیا کے ساتھ ایک انٹریو میں اپنی اہلیہ نتاشا کے ساتھ طلاق کی افواہوں پر ردعمل کا اظہار کرتے ہوئے، بچوں کو مس کرنے کے بارے میں بتایا۔

انٹرویو میں بیوی سے علیحدگی کے حوالے سے انہوں نے زیادہ بات نہیں کی۔ لیکن بچوں سے متعلق ان کا کہنا تھا کہ، وہ اس میں نہیں پڑنا چاہتے کہ ان کے بچے دور کیوں ہیں۔

فردین نے بتایا کہ، بچوں سے دوری کوئی آسان معاملہ نہیں۔ وہ اپنے بچوں سے ہر چار سے چھ ہفتوں میں ملاقات کرتے ہیں جبکہ ویڈیو کالز پر بھی گفتگو کرتے ہیں۔

واضح رہے فردین خان نے اس سال سنجے لیلہ بھنسالی کی فلم ہیرا منڈی سے بالی ووڈ میں کم بیک کیا ہے۔