ڈرامہ سیریل "کبھی میں کبھی تم" نے مقبولیت کے ایسے جھنڈے گاڑے کہ پاکستانی ہی نہیں بلکہ بھارتی مداح بھی اس کے سحر میں ڈوب گئے۔ خوشگوار اتار چڑھاؤ کے بعد یہ ڈرامہ اپنی کہانی کا اختتام کر چکا ہے، اور مداح پورے ہفتے بے تابی سے اس کی قسط کا انتظار کیا کرتے تھے۔
یوٹیوب پر صرف اس کی ایک ایک قسط کو کروڑوں بار دیکھا گیا ہے، جبکہ سرحد پار بھی اس کے چرچے رہے۔ کمنٹ سیکشن میں بھارتی شائقین کی پسندیدگی نے اس ڈرامے کی کامیابی کو اور بھی خاص بنا دیا ہے۔
کراچی کی خوبصورت لوکیشنز نے شائقین کو اپنا دیوانہ بنایا
"کبھی میں کبھی تم" کی شوٹنگ کراچی کے سندھی مسلم سوسائٹی کے ایک پرانے، دلکش بنگلے میں ہوئی جسے مصطفیٰ کے والد کا گھر دکھایا گیا تھا۔ بنگلے کے قریب ہی ایک چائے کا ہوٹل ہے جہاں کئی سینز فلمائے گئے؛ ان میں مصطفیٰ کو اپنے دوستوں کے ساتھ گپ شپ کرتے دکھایا گیا۔
مصطفیٰ اور شرجینا کا خاص لمحہ
ایک سین میں مصطفیٰ شرجینا کو گھمانے ایک پہاڑی علاقے کی طرف لے جاتا ہے جو دراصل کراچی کے کڈنی ہل پارک کی شاندار لوکیشن ہے۔ اس منظر میں بارش کا سین بھی شامل تھا، جو دیکھنے والوں کے دلوں کو چھو گیا۔
مصطفیٰ کی بائیک نے مداحوں کو حیران کر دیا
ڈرامے میں مصطفیٰ کی بائیک بھی مرکز توجہ بنی رہی۔ یہ رائل اینفیلڈ بائیک، جو مدراس، بھارت میں بنی ہے، شائقین میں تجسس کا باعث بن گئی۔ پاکستان میں اس بائیک کا دستیاب ہونا مشکل ہے، لیکن ڈرامہ میکرز نے اسے خاص طور پر شامل کیا، جس پر شائقین نے خوب چرچا کیا۔
شرجینا اور مصطفیٰ کا نیا گھر
ڈرامے کے ایک موڑ میں مصطفیٰ اور شرجینا کو کراچی کی پارسی کالونی کے ایک بنگلے میں رہائش اختیار کرتے ہوئے دکھایا گیا۔ یہ منظر بھی شائقین کے لیے دلچسپ رہا کیونکہ گھر کے بیرونی مناظر اولڈ سٹی ایریا میں شوٹ کیے گئے تھے، مگر رہائش وہاں نہیں تھی۔